b) Lege provinziala di 18 de dezëmber dl 2002, n. 151)
Test unich dl ordinamënt di sorvisc cuntra le medefüch y de proteziun zivila

(1)  Por coordiné les ativitês dles strotöres dl Sorvisc de proteziun zivila y garantì n intervënt otimal dl’aministraziun provinziala po le Zënter operatif provinzial gnì amplié da rapresentanć o rapresentantes de d’atres repartiziuns dl’aministraziun provinziala y surantol insciö i dovëis de Comitê provinzial por la proteziun zivila che à les competënzes suandëntes:

1. al delibrëia le plann provinzial de proteziun zivila che mëss gnì aprovè dala Junta provinziala;
   
2. sce al va debojëgn, fêjel la proposta de formè grups de laûr tecnics inće cun la partezipaziun de esperć da defora, che se dà jö cun i problems che reverda la proteziun zivila;
   
3. al fej la proposta de na tlassificaziun de raiuns de prigo o de raiuns che é da sotmëte a n lian idrogeologich-forestal;
   
4. al stabilësc tl caje de interferënzes les repartiziuns o les strotöres d’organisaziun dla Provinzia che é competëntes por l’atuaziun di intervënć de proteziun zivila;
   
5. al arjigna ca prozedöres da adotè tl caje de cherdades d’aiüt urgëntes da pert de d’atres provinzies o d’atri stać.
   

(2)  Le Comitê provinzial por la proteziun zivila é n organn aconsiënt permanënt dla Junta provinziala tl ćiamp dla proteziun zivila; al vëgn nominé dala Junta provinziala y romagn tl’inćiaria por cin agn.

(3)  Le plann provinzial de proteziun zivila tol ite la previjiun y la prevenziun di prighi por la segurëza publica y determinëia le bojëgn y la desponibilité de personal, locai, mesi y atrezadöres a livel provinzial por superè situaziuns d’emergënza:

1. al stabilësc i dovëis che vigni ofize y vigni ënt mëss surantó y determinëia danfora i intervënć;
   
2. al vëiga danfora l’intervënt de porsones y mesi por les situaziuns de prigo desvalies;
   
3. al arjigna ca ci che vá debojëgn por mëte a desposiziun i stromënc de coordinamënt;
   
4. al vëiga danfora les sperses atrezades por ćiamps d’emergënza eventuai;
   
5. al determinëia les sperses olache les forzes d’intervënt po s’abiné.
   

(4)  Na copia dl plann vëgn dada jö pro les repartiziuns dl’aministraziun provinziala competëntes, pro le Comissariat dl Govern y pro les aministraziuns y i ënć interessà al’atuaziun dl plann.