(1) Situaziuns d’emergënza o de prigo iminënt ti vëgn atira segnalades dala Zentrala provinziala d’emergënza al Corp di stödafüch de profesciun che garantësc tl Zënter situaziuns provinzial n sorvisc costant por le control y la valutaziun dles situaziuns de prigo. 46)
(2) Do avëi rezepì la segnalaziun y avëi controlè y valuté la situaziun informëia le Corp di stödafüch de profesciun i organns superiurs y alarmëia tres la Zentrala provinziala d’emergënza le Sorvisc di stödafüch y les atres strotöres che mëss antergnì y inće eventualmënter d’atres porsones y strotöres aratades adeguades por le sorvisc de pröm aiüt y pröma assistënza.
(3) Do avëi informè le presidënt o la presidënta dl Zënter operatif provinzial chërda adalerch le Corp di stödafüch de profesciun, sön domanda dl presidënt instës o dla presidënta instëssa, le Zënter operatif provinzial y presentëia na relaziun dla situaziun; te süa ativité él sotmetü ales diretives dl presidënt o dla presidënta.
