b) Lege provinziala di 18 de dezëmber dl 2002, n. 151)
Test unich dl ordinamënt di sorvisc cuntra le medefüch y de proteziun zivila

(1) Le Zënter operatif provinzial vëgn metü sö pro l’Agenzia por la Proteziun zivila. Sü comëmbri vëgn nominá dala Junta provinziala y resta tl’inciaria por cin agn alalungia o a vigni moda cina che al vëgn nominé i mëmbri nüs. Ti caji de prigo iminënt por la segurëza publica, che se damana l’intervënt de de plü unités d’organisaziun, surantol l'Agenzia por la proteziun zivila, en colauraziun cun le Zënter operatif provinzial, laurs de coordinaziun y é responsabla da mené inant les informaziun ala stampa. 8)  

(2)  Le presidënt o la presidënta convochëia le Zënter operatif provinzial y po detlarè la situaziun d’emergënza sce tl teritore provinzial sozédel avenimënć che por süa natöra y dimenjiun lascia preodëi de gran situaziuns de prigo.

(3)  Le presidënt o la presidënta dl Zënter operatif provinzial à la funziun de coordinadù o de coordinadëssa dla Provinzia y nominëia inanter i comëmbri dl Zënter operatif provinzial öna o de plü porsones sciöche vizepresidëntes che sostituësc le presidënt o la presidënta en caje d’assënza o impedimënt. Le presidënt o la presidënta valutëia les segnalaziuns y les dates rovades adalerch dala Zentrala provinziala d’emergënza al Corp di stödafüch de profesciun che ti caji de nezescité mët jö na relaziun por les sentades dl Zënter operatif provinzial.

(4)  Le Zënter operatif provinzial aministrëia y coordinëia l’ativité di intervënć dl’aministraziun dla Provinzia, dl Stat, di comuns, di sorvisc di stödafüch y de proteziun zivila. 9)

(5)  Le Zënter operatif provinzial é metü adöm dai comëmbri suandënć:

1. le Presidënt dla Provinzia o dal assessur competënt o dal’assessuria competënta por la proteziun zivila a će dla direziun;
   
2. n rapresentant o na rapresentanta dla repartiziun competënta por le sorvisc dles strades;
   
3. n rapresentant o na rapresentanta dl comissar o dla comissara dl Govern;
   
4. n rapresentant o na rapresentanta dla repartiziun competënta por i bosć;
   
5. da dui rapresentanc dl’Agenzia por la proteziun zivila; 10)
   
6. 11)
   
7. n rapresentant o na rapresentanta dl’Uniun provinziala dl Corp di stödafüch volontars;
   
8. 12)
   
9. n rapresentant o na rapresentanta dl sorvisc provinzial d’emergënza sanitara.
   

(6)  I comëmbri suplënć po gnì chiris fora de iade en iade dai mëmbri efetifs dal’organisaziun instëssa tignin cunt dla situaziun d’emergënza.

(7) Le presidënt o la presidënta dl Zënter operatif provinzial pó invié a tó pert ales reuniuns d’atri funzionars o porsones cun competënzes tecniches dl’aministraziun statala, provinziala o de d’atri ënc y ince porsones espertes en particolar geologs o geologhes y l’Ofize stampa dla Provinzia. Le mëmber deleghé dal comissar o dala comissara dl Govern tl Zënter operatif provinzial rapresentëia les aministraziuns statales y á l’autorisaziun da tó dezijiuns. 13)  

(8)  I mëmbri dl Zënter operatif provinzial y inće les porsones espertes cherdades adalerch ciafa la retribuziun odüda danfora dala normativa provinziala, tan inant che ara ti speta.