(1) Por l'atuaziun di fins che vëgn determiná tla programaziun aziendala y tl Plann sanitar provinzial regolamentëia l’ordinamënt aziendal l’atribuziun dles funziuns y competënzes corespognëntes ai Direturs doturs di raiuns teritoriai y dles strotöres d’ospedal, ai dirigënc tecnich-assistenziai di raiuns teritoriai y dles strotöres d’ospedal sciöche ince ai Direturs de distret, de departimënt, di sorvisc aziendai y a düc i atri dirigënc responsabli de strotöres; ai Direturs ti vëgnel ince dé la facolté da tó dezijiuns che liëia l’Aziënda Sanitara da defora.
(2) La direziun dles singoles strotöres d’organisaziun dl’Aziënda Sanitara ti vëgn surandada ai dirigënc aladô di criters y dles modalités stabilis tl ordinamënt aziendal, tl respet dles normes varëntes en materia. 135)