c') Lege Provinziala di 5 de merz dl 2001, n. 71)
Ordinamënt nü dl Sorvisc sanitar provinzial

(1)  L’aministraziun provinziala po ti dè l’inćiaria al personal sanitar por ativitês de consulënza, de stüde, d’archirida, de proietaziun y de programaziun che taca adöm cun les funziuns provinziales dl’igiena y dla sanité.

(2)  Por i fins aladô dl coma 1 vëgnel metü a desposiziun dal’aministraziun provinziala,

1. personal d’infermieristica y de reabilitaziun dl organigram sanitar provinzial y personal dles istituziuns publiches d’assistënza y de benefiziënza ;
2. personal medich dl organigram sanitar provinzial;
3. personal tecnich por la prevenziun tl ambiënt y sön le post de laur dl organigram sanitar provinzial, assegné al Sorvisc de igiena y sanité publica. 4)

(3) Por les ativités preodüdes dal coma 1 pó l’aministraziun provinziala ti surandé l’inćiaria a esperc de programaziun sanitara, statistica, informatica y de d’atres disciplines che öga eventualmënter por le destrigamënt d’atribuziuns spezifiches tl ciamp sanitar. Chisc esperc po gní chiris fora danter le personal de d’atri ënc publics y metüs a desposiziun da chisc o ai pó ciafé l’inciaria da operé al sorvisc dla Repartiziun provinziala Sanité, aladô dles desposiziuns varëntes. 5)

(4)  Tl caje ch’ai manćia plü co trëi mëisc, po le personal che é gnü metü a desposiziun, gnì sostituì da na suplënza.

(5)  Les modalitês por mëte a desposiziun le personal aladô dl coma 2 y le contingënt vëgn stabilides dala Junta provinziala. Le personal mantëgn so stat iuridich, economich y previdenzial.

(6)  La spëisa por le personal metü a desposiziun por deplü de döes edemes va a ćiaria dl bilanz provinzial y tol ite, aldefora dl paiamënt, inće les injuntes y les premies, che ti spetass al interessè sc’al laurass inant tla strotöra de provegnënza, sciöch’inće l’import di contribuć y les detraziuns de lege sön le paiamënt.

(7)  Por ademplí les inciaries istituzionales vëgn la Repartiziun provinziala Sanité autorisada da stlüje jö convenziuns cun esperc che ne fej nia pert dl'aministraziun, cun universités y cun istituc spezialisá. 6)

(1) L’Osservatore por la sanité dla Provinzia autonoma de Balsan é da ciafé pro la Repartiziun provinziala Sanité y al sostëgn sides chësta Repartiziun provinziala che ince l'Aziënda Sanitara.

(2)  L'Osservatore por la sanité é competënt sides por l'osservaziun epidemiologica sciöche ince por la gestiun dl sistem informatif sanitar provinzial por la Repartiziun provinziala Sanité. Chësta funziun dopla vá debojëgn por determiné y osservé i indicadus por la valutaziun:

1. di bojëgns de sanité;
   
2. dla domanda y dl'oferta de prestaziuns sanitares;
   
3. dl'adeguatëza y dl'efiziënza dla prestaziun di standarg de assistënza essenziai.
   

(3)  Te süa funziun dopla preodüda dal coma 2 tol l'Osservatore por la sanité pert:

1. al'elaboraziun dles mosöres de programaziun sanitara;
   
2. ala determinaziun di fins da ti assegné al'Aziënda Sanitara;
   
3. al control dles ativités tl ciamp sanitar.
   

(4)  L’Osservatore por la sanité aministrëia le patrimone informatif sanitar che vá debojëgn por ademplí les ativités istituzionales che ti é gnüdes assegnades. Al ciara ince sura la cualité y la completëza dl patrimone informatif sanitar por la Repartiziun provinziala Sanité y por l'Aziënda Sanitara. 7)

(1) Tla Repartiziun provinziala Sanité vëgnel isituí la Comisciun d’apajamënt por les chestiuns de responsabilité tl ciamp sanitar.

(2)  La Comisciun d’apajamënt é competënta por düc i caji olache n paziënt s’á anuzé de na prestaziun sanitara tla provinzia de Balsan y ël instës o sü suzessurs legai dá dant che al é gnü a s'al dé öna o de plü de chëstes situaziuns:

1. le paziënt á albü n dann ala sanité deache al é gnü fat n fal tla diagnosa o tla terapia o te tramesdöes, sciöche conseguënza de n’aziun o omisciun da pert de sogec che eserzitëia na profesciun sanitara;
   
2. le paziënt á albü n dann ala sanité deache al n'á ciafé degöna informaziun o nia assá informaziuns;
   
3. le paziënt á albü n dann ala sanité sciöche conseguënza de n comportamënt negligënt che é gnü a s'al dé te na strotöra sanitara, ma por ci che reverda ativités de diagnosa o terapia, che ne pó nia gní atribuí a na porsona che eserzitëia na profesciun sanitara.
   

(3)  La Comisciun d’apajamënt é n organism independënt y imparzial. Süa ativité é caraterisada dal fat che le prozedimënt d'apajamënt é facoltatif y debann y che sü provedimënc y sües propostes d'apajamënt n'é nia vincolanc.

(4)  La Comisciun d'apajamënt vëgn nominada dala junta provinziala por trëi agn y é metüda adöm da:

1. döes avocates/dui avocac chirides/chiris fora danter trëi inoms proponüs dal Ordin di Avocac de Balsan; öna/un de ëres/ëi mëss surantó la funziun de presidënta/presidënt;
   
2. na doturia/n dotur cun spezialisaziun de medejina legala, che n'á degun raport profescional cun le sorvisc sanitar provinzial, chirida/chirí fora danter trëi inoms proponüs dal Ordin di doturs chirurgs y di doturs di dënz dla provinzia de Balsan danter personal dozënt universitar, danter personal dirigënt medich che é sté en sorvisc por altamo diesc agn pro ënc dl sorvisc sanitar publich o d’atri ënc publics o danter personal dirigënt medich che laora sciöche profescionisć lëdi da altamo 15 agn. 8)
   

(5)  La junta provinziala nominëi n comëmber suplënt por vigni componënt dla Comisciun. Canche le mandat toma pó i comënbri dla Comisciun gní confermá.

(6)  Te caji dër complesc olache les competënzes spezialistiches di comëmbri dla Comisciun d'apajamënt ne basta nia por na valutaziun, pó la Comisciun damané l'arat de na consulënta tecnica esterna/n consulënt tecnich estern.

(7)  Ai comëmbri dla Comisciun d'apajamënt ti vëgnel paié en derogaziun ala regolamentaziun preodüda dala lege provinziale 19 marzo 1991, n. 6, y mudaziuns suandëntes n'indenité de 60,00 euro por vigni ora de sentada, de preparaziun dles sentades y de n'atra ativité che vá debojëgn por le funzionamënt dla Comisciun d'apajamënt. L’indenité por les ores de preparaziun dles sentades vëgn paiada fora do le control dla Repartiziun provinziala Sanité. L’indenité vëgn vigni ann adatada al'incremënt dl cost dla vita aladô dl indesc ISTAT. Ai comëmbri dla Comisciun d'apajamënt ti spetel ince la retüda dles spëises de iade, le mangé y dormí aladô dla regolamentaziun de misciun preodüda por le personal provinzial.

(8)  La colaboraziun, l'organisaziun y le funzionamënt dla Comisciun d'apajamënt vëgn regolamentá cun regolamënt d'esecuziun.  9) 10) 

(1) La Junta provinziala stabilësc, tl respet dles desposiziuns dl'Uniun Europeica y statales, tl Plann sanitar provinzial les prozedöres por integré la medejina complementara tla complessivité di intervënc por la sanité.  12)

(1) La Junta provinziala fej fora tres n at de orientamënt spezifich tl ćiamp dla sanité eletronica intervënć por l’inovaziun digitala y informatica dl sorvisc sanitar provinzial, tl respet dl dovëi di doturs dl respet dl articul 8, coma 1, lëtra m-ter), dl decret legislatif di 30 de dezëmber dl 1992, n. 502, mudaziuns suandëntes.

(2)  Se tignin ai dovëis informatifs y de monitoraje dla spëisa publica tl setur sanitar y de control dla coretëza dla spëisa sanitara a ćiaria dl Sorvisc sanitar preodüs dales desposiziuns nazionales varëntes te chësta materia, ortia inant i doturs dependënć y convenzionà telematicamënter i dać dles rezetes, scrites fora tla provinzia a ćiaria dl Sorvisc sanitar publich, tres i sistems informatifs metüs a desposiziun dal’Aministraziun provinziala tres l’Aziënda sanitara dla Provinzia autonoma de Balsan.

(3)  L’osservanza dles normes preodüdes dai comesc 1 y 2 da pert de doturs de medejina generala y de doturs di mituns chiris fora lediamënter é la condiziun por ciafè y mantignì la convenziun cun le sorvisc sanitar publich. Sce an ne se tëgn nia ales desposiziuns preodüdes dai comesc 1 y 2 vëgnel dè les sanziuns preodüdes dales acordanzes coletives. Tl prozès d’inovaziun digitala y informatica, él da ejaminé soluziuns informatiches dla sort open source.  13)

(1)  Tl respet dl raport danter paziënt y dotur de familia chirì fora dal paziënt, vëgn l’assistënza sanitara di doturs convenzionà tl raiun fata aladô dles modalitês preodüdes dales desposiziuns statales che promöi le svilup dl paîsc tres n livel plü alt de sconanza dla sanité.

(2)  La Junta provinziala definësc les diretives che alda laprò y che vëgn atuades dal’Aziënda sanitara dla Provinzia autonoma de Balsan. 16)

(3)   17)

(4)  La Provinzia autonoma de Balsan pó conzede alisiraziuns por la costruziun, la restrotoraziun y por atrezadöres de ambulatori di doturs de medejina generala. Chëstes alisiraziuns é preodüdes dantadöt por ambulatori te localités debles y dejavantajades dl Südtirol y tles agregaziuns funzionales teritoriales.  18)

(5)  La Provinzia autonoma de Balsan pó sostigní istituc de inrescida tl ciamp dla medejina generala. 19) 

(6)  La Junta provinziala stabilësc les alisiraziuns, i criters y les formes de convenziun eventuales cun les ciases de palsa y de cura.  20)

(7)  Tl caje de bojëgn y prescia pó l’Aziënda Sanitara, do avëi stlüt jö dötes les prozedöres preodüdes dal contrat coletif nazional che regolamentëia le numer mascimal de lites dl dotur y sües limitaziuns, surantó mosöres straordinares sciöche l’aumënt dl numer mascimal de lites dl dotur por le singul dotur, la sospenjiun temporana dl’autolimitaziun, sciöche ince vigni atra mosöra preodüda dai contrac coletifs de referimënt por garantí l’assistënza dl dotur primara dla popolaziun ti singui raiuns. 21)

(8) L’Aziënda Sanitara ti conzed ai doturs/ales doturies a chi che al ti vëgn, porvia dla mancianza de doturs/doturies de medejina generala, surandé n numer de lites dl dotur majer co le numer mascimal preodü por garantí l’assistënza dl dotur te chël teritore cina al insediamënt de n ater dotur/n’atra doturia, cun faziun dal 1. de jená dl 2017 n compëns de n iade fat fora dala Junta provinziala.  22)

(9)  Ajache la situaziun linguistica dla provinzia de Balsan é particolara y al mancia doturs/doturies di mituns ti ospedai, ti vëgnel dé ai doturs/ales doturies di mitiuns de lita lëdia, por l’impëgn da surantó dovëis d’assistënza implü, n compëns de n iade fat fora dala Junta provinziala. 23)

(1)  Por sostigní l’insediamënt de doturs/doturies de medejina generala convenzioná, dantadöt tles agregaziuns funzionales teritoriales y tles medejines de grup, mët i comuns o d’atri ënc publics a desposiziun di doturs/dles doturies, debann, locai da arjigné ca sciöche ambulatore prinzipal.

(2)  La Provinzia autonoma de Balsan alisirëia i doturs/les doturies de medejina generala y i doturs/les doturies di mituns de lita lëdia, ti conzedon na soma forfetara por le cost di locai en afit o de proprieté adorá sciöche ambulatore prinzipal, dantadöt tles agregaziuns funzionales teritoriales y tles medejines de grup. La Junta provinziala stabilësc la soma forfetara paiada dal’Aziënda Sanitara dal 1. de jená dl 2017 por l’ambulatore prinzipal, sciöche ince les desposiziuns d’atuaziun en materia.

(3)  Le contribut preodü dal coma 2 vëgn conzedü ma sce al ne vëgn nia metü a desposiziun debann dal comun o da n ater ënt publich sön le teritore, locai adatá da arjigné ca sciöche ambulatore prinzipal.

(4)  Por alisiré le sorvisc di doturs/dles doturies de medejina generala convenzioná y di doturs/dles doturies di mituns de lita lëdia te localités dezentrades, pó i comuns o d’atri ënc publics mëte a desposiziun di doturs/dles doturies locai olache ai pó, tl respet dl orar minim stabilí cun le comun, ti pité ala popolaziun so sorvisc sön le teritore.

(5)  L’Aziënda Sanitara pó mëte a desposiziun di doturs/dles doturies de medejina generala convenzioná y di doturs/dles doturies di mituns de lita lëdia che laora pro n’agregaziun funzionala teritoriala y che á paziënc tl cheder di percursc diagnostics terapeutics d’assistënza n valgönes atrezadöres mediches y personal sanitar nia medich. En alternativa pó l’Aziënda Sanitara sostigní na pert dl cost de cumpra o di cosć por le leasing dles atrezadöres, o na pert di cosć che vëgn dal’assunziun de personal sanitar nia medich, bele en sorvisc pro le dotur interessé al 1° de jená dl 2017. La cualité dl’assistënza teritoriala vëgn promoiüda dantadöt tres sostëgns por les agregaziuns funzionales teritoriales, les medejines de grup, sciöche ince por l’assunziun de personal de stüde. La Junta provinziala emanëia les desposiziuns d’atuaziun por chëstes alisiraziuns che vëgn paiades dal’Aziënda Sanitara.

(6)  La Provinzia sostëgn l’insediamënt di doturs/dles doturies de medejina generala convenzioná por le pröm iade cun l’Aziënda Sanitara cun alisiraziuns che sostëgn le scomenciamënt dles ativités fates fora dala Junta provinziala. La Junta provinziala emanëia desposiziuns d’atuaziun por chësta sort de alisiraziuns che vëgn paiada dal’Aziënda Sanitara.  24)

(1)(6) -  34)

(7)  Al personal, ince cherdé da deforadecá o comané, che á surantaut canche chësc articul de lege vá en forza por altamo cin agn la funziun de dirigënt tecnich-assistenzial, ti vëgnel confermé la nominaziun por ciamó cin agn, do avëi ciafé l’arat positif dla porsona sura d’ël. Les atres confermaziuns dl personal nominé dessura pó ince gní fates sce al mancia les condiziuns preodüdes por le conferimënt dl’inciaria. 35)

(1) Por ademplí i compic y les funziuns de importanza particolara y de interes strategich pó le diretur general dl’Aziënda Sanitara surandé inciaries tres la stipulaziun de contrac a tëmp determiné y cun raport de laur esclusif, a porsones laureades che á na cualificaziun profescionala particolara y documentada che á lauré te zëntri y ënc publics o privac o aziëndes publiches o privates cun n'esperiënza de almanco cin'agn te posiziuns dirigenziales altes o che á ciafé na formaziun profescionala, culturala y scientifica particolara che pó gní desmostrada sön la basa de na formaziun universitara y post-universitara, de publicaziuns scientifiches o de esperiënzes de laur concretes y che ne ciafa nia la ponsiun. Chëstes inciaries ne pó nia ti gní surandades a n contingënt de personal majer co le dui porcënt dla organigram dla dirigënza. I contrac döra altamo dui y alplü cin' agn y pó gní renová.  51)

(2)  Le paiamënt vëgn determiné sön la basa di criters stabilis ti contrać coletifs dla dirigënza dl Sorvisc sanitar provinzial.

(3)  Por la dorada dl contrat aladô dl coma 1 vëgn i dependënć dl’aministraziun publica metüs tl’aspetativa nia retribuida cun le reconescimënt di agn de sorvisc.

(4)  Les inćiaries aladô dl articul presënt obliëia l’Aziënda sanitara de stabilì tl medemo tëmp l’indesponibilité di posć de dirigënza dl organich por le medemo import dl impëgn finanziar surantut.

(1)  Por sostigní le svilup dl'inrescida scientifica y tecnologica y la formaziun tresfora dl personal dl Sorvisc sanitar provinzial pó l’Aziënda sanitara dla Provinzia autonoma de Balsan tó pert, tres convenziuns y cun le consëns dla Provinzia autonoma de Balsan, a proiec por fá crësce les competënzes scientifiches, tecniches y profescionales tl’Aziënda sanitara.  53)

(1)  I bëgns imobii de proprieté dla Provinzia cun la destinaziun al Sorvisc sanitar provinzial vëgn assegnà ales aziëndes sanitares dala Junta provinziala, tignin cunt dles esigënzes dles aziëndes. La manira y i contignüs dl’assegnaziun vëgn definis dala Junta provinziala.

(2)  La Junta provinziala po deleghé les aziëndes sanitares a destrighé i laûrs de costruziun, d’ampliamënt y de restrotoraziun di imobii che ti vëgn assegnà y inće la proietaziun y la direziun di laûrs.

(2/bis)  L'Aziënda sanitara dl Südtirol surantol düc i raporc iuridics atifs y passifs che é tl momënt dla jüda en forza de chësc coma liá ai intervënc preodüs dal coma 2 de chësc articul y che reverda i ospedai, cun stanziamënc tl cheder dla misciun "Sconanza dla sanité", tut fora i proiec de costruziun pro chi al vëgn dötaurela fat laurs y so completamënt dles fornidöres. 54)

(2/ter)  L’Aziënda Sanitara dl Südtirol pó stlü jö contrac de locaziun y, sön la basa de na delega dla Junta provinziala, costruí aladô dl articul 2, coma 3, lëtra n) dla lege provinziala di 21 d’aurí dl 2017, n. 3, o cumpré por y sön inciaria dla Provinzia abitaziuns da ti mëte a desposiziun al personal sanitar o ai doturs y ales doturies y d’atres profesciuns sanitares che fej süa formaziun. I contrac de locaziun vëgn stlüc jö por cer tëmps sön la basa de n model de partezipaziun ai cosć de locaziun. Implü pó l’Aziënda Sanitara finanzié proiec de sostëgn de so personal, sciöche ince de doturs y doturies y de d’atres profesciuns sanitares che fej süa formaziun, sides tl ciamp dl’assistënza di mituns che ne vá nia ciamó a scora, sides tl ciamp dl’assistënza defora da scora canche les scores é stlütes. 55)

(2/quater)  Les desposiziuns preodüdes dal coma 2/ter vëgn aplicades ince por i ënc che gestësc i sorvisc soziai preodüs dala lege provinziala di 30 d’aurí dl 1991, n. 13, y mudaziuns suandëntes tignin cunt di ordinamënc y sistems de finanziamënt che alda lapró. 56)

(3)  I bëgns imobii é scrić ite te libri dl inventar despartis.

(4)  La Junta provinziala stabilësc les modalitês por la gestiun dl patrimone aladô dl coma 1 por mantignì i libri dl inventar, che mëss contignì düć i elemënć nezesciars por süa individuaziun y süa valutaziun.57)

(1)  I bëgns mobii, i bëgns mobii scrić ite ti registri publics y i injins che vëgn adorà tles aziëndes sanitares, vëgn trasferis tla proprieté de chëstes aziëndes y ai costituësc le patrimone mobiliar.

(2)  La Junta provinziala determinëia i termi, les modalitês y les prozedöres por straihé dal inventar dla Provinzia di bëgns aladô dl coma 1.

(3)  La delibera dla Junta provinziala por le trasferimënt di bëgns mobii scrić ite ti registri publics costituësc le titul por la trascriziun dl dërt de proprieté.58)

(1) I mesi finanziars che vëgn preodüs por le Sorvisc sanitar provinzial é por:

1. le finanziamënt dl bojëgn sanitar che l'Aziënda Sanitara á da ademplí;
   
2. le finanziamënt dles spëises por ativités istituzionales tl ciamp sanitar che é de competënza dla Provinzia, sciöche ince dl' ativité de inrescida sanitara;
   
3. le finanziamënt de programs de investimënt che vëgn definis dala programaziun provinziala;
   
4. la realisaziun de funziuns de assistënza spezifiches o de fins o proiec determiná dala programaziun provinziala.
   

(2)  Le fabojëgn de spëisa vëgn determiné tl cheder di mesi finanziars programá dala Provinzia sön la basa di cosć che é debojëgn por na realisaziun efiziënta, efetiva y adeguada di standarg d'assistënza essenziai y surapró.

(3)  Le finanziamënt dl Sorvisc sanitar provinzial vëgn a s'al dé tres:

1. le fonds sanitar provinzial preodü dal coma 4, che tëgn cunt dl saldo de mobilité sanitara;
   
2. la partezipaziun direta dles porsones assistides;
   
3. i fonds integratifs eventuai dl Sorvisc sanitar provinzial preodüs dales normes varëntes;
   
4. les entrades che vëgn dales prestaziuns sanitares o da intervënc en materia de igiena y sanité publica;
   
5. les entrades y i rendimënc che vëgn dal'adoranza dl patrimone;
   
6. donaziuns y d'atres sportes volontares;
   
7. d'atres entrades eventuales.
   

(4)  Le fonds sanitar provinzial vëgn scrit ite ti programs aposta dla misciun 13 "Proteziun dla sanité" tl preventif dles spëises dl bilanz dla Provinzia, despartí danter spëises corëntes y spëises d'investiziuns.

(5)  La Junta provinziala stabilësc, despartí danter spëises corëntes y spëises d'investiziuns, sciöche i mesi dl fonds vëgn partis sö danter Provinzia y Aziënda Sanitara, i criters por la repartiziun de chisc mesi sciöche ince limic de spëisa eventuai y limitaziuns d'adoranza dles cuotes dl fonds cun lian de destinaziun spezifich.

(6)  Por garantí la licuidité finanziara dl'Aziënda Sanitara tratan l'eserzize finanziar desponn la Provinzia antizipaziuns regolares a bëgn dl'Aziënda Sanitara, sön la basa dl fabojëgn de licuidité manifesté da chësta. 60)

(1)  Ala Provinzia ti speta la determinaziun di criters dl’organisaziun di sorvisc y dles ativitês destinades ala sconanza dla sanité y por le finanziamënt dles aziëndes y istituziuns sanitares publiches y privates, les ativitês tl ćiamp tecnich, de promoziun y de sostëgn a bëgn de chëstes istituziuns, sciöch’inće le control de gestiun. Ala Provinzia ti speta danter l’ater inće la promoziun dl control y la valutaziun dla cualité dles prestaziuns sanitares dles istituziuns acreditades. Por destrighé chisc compić po l’aministraziun provinziala se nuzé di esperć de foradecà che po inće gnì dal forest.

(2)  Por garantì la partezipaziun al svilup dles politiches sanitares dla Provinzia, vëgn les perts soziales, sciöche inće i ënć y les assoziaziuns atives tl ćiamp sanitar informades damperfora y aldides sön les mudaziuns normatives, sciöche inće sön d’atres reformes importantes che reverda le ćiamp dles politiches sanitares. 61)

(1) La programaziun sanitara provinziala ti speta ala Junta provinziala che vëgn sostignida por chësc fin dala Repartiziun provinziala Sanité, dai organs consultifs en materia de sanité, dal'Aziënda Sanitara y da esperc da defora.

(2)  Stromënc essenziai por la programaziun sanitara provinziala é:

1. le Plann sanitar provinzial;
   
2. i planns de setur, che determinëia strategies y mosöres spezifiches por aspec singui dl'assistënza sanitara, sön la basa di prinzips y di fins stabilis tl Plann sanitar provinzial;
   
3. i programs d'intervënt cun fins spezifics por la proteziun dla sanité dla popolaziun.
   

(3)  Le Plann sanitar provinzial y le Plann sozial provinzial preodüs dal articul 2 dla lege provinziala di 30 d'aurí dl 1991, n. 13 é acordënc un cun l'ater y deboriada formëii la programaziun sanitara y soziala coordinada y integrada.

(4)  Por garantí la faziun, l’efiziënza y la planificaziun coreta dl fabojëgn sanitar provinzial vëgn i stromënc de planificaziun arjigná ca, atuá, controlá en relaziun a süa atuaziun y en caje adatá, en conscidraziun:

1. di svilups demografics y epidemiologics;
   
2. dl'evoluziun clinica, dl svilup scientifich y tecnologich sciöche ince de d'atres evoluziuns tl ciamp sanitar.
   

(5)  Le Plann sanitar provinzial é le stromënt de programaziun por assiguré na planificaziun che döra dl'assistënza sanitara dla popolaziun. Sciöche plann strategich de orientamënt y govern dl'assistënza sanitara stabilëscel por le tëmp de programaziun corespognënt i fins prinzipai, sciöche ince les strategies y les mosöres eventuales por i arjunje, cun referimënt particolar ai trëi liví d'assistënza: l'assistënza sanitara coletiva tl ambiënt de vita y laur, l'assistënza ti raiuns y l'assistënza te ospedal.

(6)  I fins, les strategies y les mosöres da odëi danfora tl Plann sanitar provinzial vëgn determiná tl respet de chisc criters:

1. garanzia dla miú cualité poscibla dles prestaziuns sanitares y di resultac relatifs;
   
2. la faziun dles prestaziuns sanitares por i paziënc aladô dl comosoramënt, dl'utilité efetiva y dla sodesfaziun di paziënc;
   
3. garanzia dla sostignibilité finanziara de dorada mesana y lungia dl Sorvisc sanitar.
   

(7)  Por l’aprovaziun dl Plann sanitar provinzial vëgn le proiet dl Plann, delibré dala Junta provinziala, dé jö y taché fora al publich tl'Aministraziun provinziala, ti Comuns dla provinzia y tl Consëi di Comuns, sciöche ince publiché online. La data d’esposiziun dl proiet dl Plann vëgn lasciada alsavëi damperfora tres n avis publiché tl Boletin Ofizial dla Regiun Trentino-Südtirol y te altamo dui foliec da vigni de locai, un por talian y un por todësch, sciöche ince te n foliet edemal. Le proiet dl Plann vëgn tachè fora 30 dis alalungia, tratan chi che düc po ti ciaré. Te chësc tëmp pó singoles porsones, sciöche ince i ënc y les assoziaziuns interessá ti presentè osservaziuns y propostes de perfezionamënt dl Plann ai Comuns, al Consëi di Comuns o ala Junta provinziala. Tratan chësc tëmp vëgnel aldì a livel provinzial les rapresentanzes di paziënc, independentemënter da süa forma d'organisaziun, les assoziaziuns y confederaziuns interessades, sciöche ince les perts soziales. I Comuns pó dé jö so arat motivé sön le proiet dl Plann ti 30 dis suandënc, tignin cunt dles osservaziuns y propostes che ti é gnüdes fates y ti le ortiëia inant al Consëi di Comuns. A vigni moda ti ortiëia i Comuns les osservaziuns y propostes che ti é gnüdes fates al Consëi di Comuns. Ti 30 dis suandënc dá spo jö le Consëi di Comuns so arat motivé sön le proiet dl Plann, tignin cunt di arac di Comuns, y ti le mëna inant ala Junta provinziala. Sce le Consëi di Comuns ne dá te chësc tëmp nia jö süa tuta de posiziun, ne vëgnel nia plü tigní cunt de chësta.

(8)  La Plann sanitar provinzial vëgn aprové dala Junta provinziala y al vá en forza le medemo de de süa publicaziun tl Boletin Ofizial dla Regiun Trentino-Südtirol, tan inant che al n’é nia gnü stabilí atramënter.

(9)  Le Plann sanitar provinzial vel por almanco trëi agn y alplü por cin' agn. Al mantëgn süa validité cina che le plann suandënt vá en forza.

(10)  Por assiguré che al vëgnes arjunt i fins stabilis dal Plann sanitar provinzial valutëia tres indô le Comité provinzial por la planificaziun sanitara sce les strategies y mosöres che é tl Plann vëgn atuades. Por chësta valutaziun pó le Comité ince se sorví dl sostëgn de esperc da defora en materia de programaziun sanitara. Les modalités y i tëmps dla valutaziun regolara, sciöche ince les adataziuns puntuales dl Plann, che mëss en caje gní fates do da chësta valutaziun, vëgn stabilis dala Junta provinziala cun l'aprovaziun dl Plann sanitar provinzial. Al'adataziun puntuala nominada dessura, che pó ince gní fata vigni ann, ne vëgnel nia apliché le coma 7. 62)

(1)  Les istituziuns sanitares acreditades cun chëres ch’al é gnü stlüt jö contrać o chëres che vëgn finanziades dala Provinzia, sciöch’inće i organns y i ënć por la sconanza dla sanité di zitadins dla Provinzia de Balsan tl destrigamënt dl’ativité nezesciara por arjunje sü fins istituzionai mëss s’adatè ai contignüs dl Plann sanitar provinzial.

(1)  Tl respet dles desposiziuns en forza preodüdes dal decret legislatif di 30 de jügn dl 2003, n. 196, y mudaziuns suandëntes, vëgnel metü sö chisc registri:

1. le register di tumors,
   
2. le register dles maraties rades,
   
3. le register dles gaujes de mort,
   
4. le register dl diabetes,
   
5. le register di despositifs da implantè,
   
6. le register dles proteses ales lisöres,
   
7. le register dles maraties cardio-vascolares,
   
8. le register dles maraties zerebro-vascolares,
   
9. le register de broncopneumopaties croniches ostrutives (BPCO),
   
10. le register dla insufiziënza di rognuns cronica,
    
11. le register dles maraties genetiches. 63)
    

(2)  Ti registri preodüs dal coma 1 vëgnel coiü adöm por rajuns de stüde y de inrescida tl ćiamp dla medejina, dla biomedejina y dla epidemiologia, i dać anagrafics y sanitars dles porsones che à maraties che toca laprò, tl respet dles desposiziuns sön la sconanza di dać personai en forza.

(3)  Cun regolamënt d’esecuziun emanè aladô dl arat dl’autorité por la proteziun di dać personai aladô di articui 20 y 154, coma 1, lëtra g) dl decret legislatif di 30 de jügn dl 2003, n. 196, vëgnel fat fora cai che é i dać sensibli, les operaziuns che po gnì fates, i fins spezifics de vigni register preodü dal coma 1, i sogeć che po rové pormez ai registri y i dać che ai po odëi, sciöche inće les mosöres por tignì sö y sconè i dać.

(4)  L’elaboraziun di dać adorà por realisé i registri mëss a vigni moda tignì cunt di prinzips de nezescité, portignënza, completëza y de nia suraplü preodüs dai articui 3, 11 y 22 dl decret legislatif di 30 de jügn dl 2003, n. 196. 64)

(5)  Les ativitês preodüdes da chësc articul toca pro i dovëis istituzionai dl Osservatore epidemiologich provinzial, che se crüzia de chëstes cun les ressurses umanes, finanziares y strotorales desponibiles aladô dles normes varëntes. 65)

(1)  Le Sorvisc sanitar provinzial garantësc, a düć chi che à le dërt, i livì uniforms d’assistënza sanitara stabilis a livel nazional. Le Sorvisc sanitar provinzial po complementè chisc livì d’assistënza cun d’atres prestaziuns.66)

(1)  L’aziënda sanitara dla Provinzia autonoma de Balsan dá dant n dotur spezialisé sciöche porsona de referimënt por düc i paziënc cun fibrosa zistica scric ite tl Sorvisc sanitar provinzial.

(2) Le dotur de referimënt coordinëia y controlëia l’assistënza de chisc paziënc. Tl cheder dl’assistënza pó l’aziënda sanitara importé ince dal ester produc medejinai y nia, aladô dles normes statales te chësc setur, che é a ciaria dl sorvisc sanitar publich y olache le dotur de referimënt á confermé che ai vá debojëgn por le paziënt.  68)

(3)  La Provinzia autonoma de Balsan ti dá ales porsones che á la fibrosa zistica, che á dejabilités funzionales tles ativités dla vita da vigni de che ne iustifichëia nia n incadramënt te un di liví d’assistënza preodüs dala lege provinziala di 12 d’otober dl 2007, n. 9, mo che á porvia dla complessité de süa patologia n gran bojëgn da fá fisioterapia, n contribut al mëis pauscial por fá fisioterapia a ciasa. 69)

(4)  La Junta provinziala stabilësc les alisiraziuns y determinëia i criters che alda lapró. 70) 

(1)  Les porsones residëntes tla Provinzia de Balsan scrites ite tl Sorvisc sanitar provinzial che vëgn tutes sö te strotöres publiches o privates, che n’à nia por chë sort de prestaziun raporć contratuai cun le Sorvisc sanitar nazional o provinzial, à le dërt ala retüda dles spëises efetivamënter sostignides y reconesciüdes dal Sorvisc sanitar provinzial, sce ares n’à nia bele n’assiguraziun privata o ne po nia s’anuzé de d’atres formes de indenisaziun reconesciüdes dala Junta provinziala, che cür chëstes spëises sanitares. Sce chëstes spëises sanitares vëgn ma curides en pert, ti spétel n import mascimal, cun laprò la cuota curida dal’assiguraziun, che ne po nia superè les spëises sostignides efetivamënter y reconesciüdes dal Sorvisc sanitar provinzial. La retüda vëgn stabilida aladô dla tarifa fata fora dala Junta provinziala che é mëndra co chëra stabilida por les prestaziuns pitades diretamënter y che vëgn fata fora aladô dles fasces de davagn che ara à fissé. 71)

(1/bis)  La Junta provinziala po lié la retüda dles prestaziuns ales condiziuns de cualité y conformité. 72)

(2)  Por la retüda tres l’Aziënda sanitara d’apartenënza, determinëia la Junta provinziala la modalité d’azès ala strotöra y i termi de presentaziun dla domanda y dla documentaziun revardënta. Sce i termi ne vëgn nia respetà, spo tomi.73)

(3) Do avëi ciafé la comunicaziun che la retüda ne vëgn nia conzedüda, pól gní fat recurs anter 30 dis, zënza toma le termin, ala Comisciun provinziala por la dezijiun di recursc dl’assistënza sanitara. La Comisciun vëgn istituida pro la Repartiziun provinziala Sanité y tol definitivamënter na dezijiun sön i recursc. Ara vëgn nominada dala Junta provinziala  y é metüda adöm dal presidënt o da n so deleghé, che vëgn chiris fora pro la Repartiziun Sanité, y da d'atri sis comëmbri. Almanco cater comëmbri é doturs, de chisc é almanco un n profescionist lëde. I atri comëmbri é funzionars dla Provinzia.  74)

(4)  Ala comisciun aladô dl coma 3 ti vëgnel atribuì i compić dl zënter regional de referimënt aladô dl articul 3 dl Decret dl Minister por la sanité di 3 de novëmber 1989.

(1) Les porsones residëntes tla Provinzia de Balsan y scrites ite tl Sorvisc sanitar provinzial che anüza prestaziuns spezialistiches d’ambulatore, prestaziuns reabilitatives, de diagnostica stromentala y de laboratore, à le dërt ala retüda dles spëises efetivamënter sostignüdes y reconesciüdes dal Sorvisc sanitar provinzial. Les prestaziuns po gnì fates da medi spezailistics de profesciun lëdia y te strotöres che ne n’à por chëstes sorts de prestaziuns stlüt jö degun contrat cun le Sorvisc sanitar nazional. Al vëgn inće retü les spëises por les medemes prestaziuns de sorvisc sanitars te d’atri stać mëmbri dl'Uniun Europeica. 75)

(2)  Pro les prestaziuns che vëgn retüdes preodüdes dal coma 1 alda inće les prestaziuns di doturs di dënz che à l’abilitaziun profescionala y é scrić ite tl register profescional dla Provinzia de Balsan, y les vijites spezialistiches fates privat dai doturs di ospedai fora dles strotöres publiches y convenzionades. 76)

(3)  Retüdes vëgn les prestaziuns de diagnostica stromentala y de laboratore y scrites fora dal mede spezialistich y che é nezesciares por determiné la diagnosa fates te strotöres che ne n’à stlüt jö degun contrat cun le Sorvisc sanitar nazional.

(4)  La retüda dles prestaziuns de ambulatore spezialistiches vëgn fates tres l’Aziënda sanitara. La Junta provinziala fej fora, do avëi aldì le Comitê provinzial por la programaziun sanitara, les spezialitês y les tipologies de prestaziuns sciöch’inće la mosöra dles somes che vëgn retüdes tl respet dles desposiziuns sön la partezipaziun ai cosć sanitars.77)

(5) 78)

(6)  Por les retüdes aladô di comesc 4 y 5 dl’Aziënda sanitara de portignënza, determinëia la Junta provinziala les modalitês d’azès al’assistënza spezialistica indireta sciöch’inće i termi definitifs y les modalitês por la presentaziun dla domanda y dla documentaziun. Le dërt de retüda vel ma sce al vëgn dè jö la prescriziun fata dal mede de medejina generala o dal mede di mituns de lîta lëdia o da n mede che laora por le sorvisc sanitar provinzial; ma te caji de prescia zertificà dal spezialist y te caji aladô dl coma 3 ne vel chëstes condiziuns nia. La Junta provinziala determinëia les spezialitês por chëres ch’an n’adora nia la prescriziun nominada dessura. 79)

(7)  Tl caje de na resposta negativa dla retüda pon fa recurs pro la comisciun aladô dl articul 33, coma 3.

(1)  L'autorisaziun preventiva por l'assistënza sanitara sura i confins fora aladô di articui 8,  9 y 10 dla diretiva 2011/24/UE dl Parlamënt europeich y dl Consëi di 9 de merz dl 2011 che reverda l'aplicaziun di dërć di paziënć tl'assistënza sanitara sura i confins fora po gnì conzedüda inće sce chëst'assistënza sanitara po gnì dada tl raiun nazional te n tëmp iustificabl dal punt d'odüda tlinich. 80)

(2) Sce al vëgn refusé l'autorisaziun preventiva preodüda dal coma 1 sciöche ince sce al ne vëgn nia azeté la domanda por la retüda di cosć por l'assistënza sanitara sura i confins fora aladô dla diretiva 2011/24/UE pól gní presenté recurs te 15 dis pro la Comisciun odüda danfora dal articul 33, coma 3, scenó toma le termin. 81)

(3)  I cosć por l'assistënza sanitara sura i confins fora vëgn retüs tla mosöra odüda danfora dales tarifes provinziales corespognëntes, independentamënter dala partezipaziun ai cosć aladô dles normes varëntes. 82) 83) 

(1)  Sce l'Aziënda Sanitara n’é nia bona da pité certes prestaziuns sanitares de n livel spezialistich alt póra, aladô dles normes iuridiches varëntes dl'Uniun europeica, stlüje jö convenziuns cun strotöres sanitares da foradecá por garantí che al vëgnes pité chëstes prestaziuns ince tl lingaz todësch. A chësta moda ón garantí che al vëgnes pité i standarg de assistënza essenziai a dötes les porsones che á süa residënza tla provinzia de Balsan y é scrites ite al Sorvisc sanitar provinzial. 84)

(2)  La Junta provinziala stabilësc les spezialités cliniches de livel spezialistich alt preodü dal coma 1.

(3)  L'Aziënda Sanitara stabilësc i criters aladô de chi che i paziënc vëgn mená tles strotöres odüdes danfora dal coma 1 y individuëia i doturs che á l'autorisaziun da i mené dailó, do avëi valuté caje por caje sce al é le bojëgn clinich y sce al é dërt da s'anuzé de prestaziuns da foradecá.  85)

(4)  L'Aziënda Sanitara mët jö vigni ann cina le mëis d'aurí na relaziun sön l'atuaziun dles convenziuns preodüdes dal coma 1 che reverda l'ann da denant y ti la mëna al Ofize competënt dla Repartiziun provinziala Sanité.  86)

(1)  Por stabilì la partezipaziun ai cosć sanitars, sciöch’inće por l’esenziun dl paiamënt dl ticket, se tëgn la Provinzia autonoma de Balsan ai prinzips contignüs tla normativa nazionala varënta te chësta materia. La Junta provinziala porta ite por les prestaziuns che va sura i livì uniforms d’assistënza sanitara stabilis dala normativa nazionala fora, aladô dl articul 32, na partezipaziun sön le cost basè sön la valutaziun dl davagn y dl patrimone dla porsona socodida y de süa familia. Cun le regolamënt d’esecuziun vëgnel individué i criters por la valutaziun dla situaziun economica y patrimoniala, tignin cunt inće dles desposiziuns aladô di articui 7 y 7/bis dla lege provinziala di 30 d’aurì 1991, nr. 13, che reverda “le reordinamënt di sorvisc soziai tla Provinzia de Balsan”, y mudaziuns seghëntes.87)

(1/bis)   88)

(2)  Por les prestaziuns che toma ite ti livì uniforms dl’assistënza sanitara stabilis a livel statal, autorisëia la Junta provinziala l’introduziun, te na manira sperimentala, dl sistem de partezipaziun nü al cost dles prestaziuns y stabilësc i criters de liberaziun de chësta aladô dl articul 6, coma 1, dl Decret legislatif di 29 d’aurì 1998, nr. 124.

(3)  La Junta provinziala po completè la lista nazionala dles maraties, che à le dërt de nia messëi paié le ticket, tolon ite dötes chëres maraties che vëgn dant te teritori spezifics o che é straordinares.

(4)  Tla aplicaziun di prinzips stabilis dal articul 7 dl Decret dl Presidënt dla Republica di 26 de jenà 1980, nr. 197, vëgn la Junta provinziala autorisada da complementè la lista nazionala dles prestaziuns che vëgn fates te zëntri de gran spezialisaziun tl forest cun maraties che vëgn dant sovënz te Südtirol.

(1)  Sce les prestaziuns sanitares é la conseguënza de n fat ilegal, spo va la spëisa dla prestaziun a chi che à cometü chësc fat.

(2)  Les aziëndes sanitares se crüzia dl incassamënt dles spëises aladô dl articul 76, coma 3, tignin cunt de ći che é preodü dal regolamënt varënt por la retüda dles prestaziuns a bëgn di danejà tla zirculaziun de veicui a motor y a ega.89)

(1)  Le sorvisc sanitar provinzial pîta debann les prestaziuns preodüdes dai articui 186, coma 5, y 187, comesc 3, 4 y 5, dl decret legislatif di 30 d’aurì dl 1992, n. 285 (Codesc dla strada nü), tignin cunt de ći che é preodü dal articul 194 dl medemo decret legislatif. 90)

(1)  Aladô dl svilup finanziar dles spëises sanitares te Südtirol, é la Junta provinziala autorisada da portè ite na partezipaziun ai cosć dla sojornanza t’ospedal che vëgn regolada aladô dles desposiziuns seghëntes.

(2)  Por vigni jornada de degënza, tut fora le dé de demisciun, te n ospedal, che à stlüt jö i contrać aposta, inće ti ospedai austriacs, pol gnì preodü inće tl caje de paziënć che vëgn tuć sö por la reabilitaziun y por tratamënć postacuć, na partezipaziun ai cosć dl ospedal pro dé che vëgn stabilida anualmënter dala Junta provinziala.

(3)  La partezipaziun ai cosć sanitars aladô di comesc 1 y 2 po ma gnì preodüda por schivé la partezipaziun ai cosć dles prestaziuns de ambulatore. Te vigni caje pol gnì preodü na partezipaziun ai cosć por curì les spëises por spëisa y dormì, aplican i criters aladô dl articul 35, coma 1.

(4)  La partezipaziun ai cosć aladô dl coma 2 vëgn alzada por i cosć d’assunziun de paziënć infortunà te ativitês sportives o d’aurela cörta che é particolarmënter a risch, individuades dala Junta provinziala. Nia laprò n’alda les sorts de sport de massa y les ativitês sportives tradizionales de Südtirol.

(5)  La Junta provinziala po apliché les desposiziuns che reverda la partezipaziun ai cosć sanitars pro les prestaziuns de pröm aiüt, fates te n ospedal dla Provinzia zënza tó sö le paziënt t’ospedal.

(5/bis)  La Junta provinziala emanëia provedimënc por arbassé i azesc ai sorvisc de pröm aiüt ti ospedai che n'é nia de prescia. Tl respet dles desposiziuns statales pó chisc provedimënc revardé ince la partezipaziun al cost dles prestaziuns y la soma a ciaria dles porsones assistides che mëss paié aladô dles desposiziuns statales varëntes. 91)

(6)  La Junta provinziala é autorisada de tó pert ai cosć tl caje dl trasport di amarà y dl aiüt cun l’elicoter y ara determinëia anualmënter la soma relativa. La cuota de partezipaziun ai cosć dl zitadin é determinada tignin cunt dl’eté dla popolaziun che vëgn sorvida y dla strotöra orografica dl teritore.

(7)  La partezipaziun ai cosć aladô di comesc 2, 4, 5 y 6 ne vel nia por les porsones, che ne mëss nia paié le ticket. Les assunziuns por stè de pert é esonerades dala partezipaziun ai cosć aladô de chësta desposiziun.

(1)  Che che á prenoté na prestaziun spezialistica ambulanta pro l’Aziënda sanitara, mo ne sciafia nia o n’á nia intenziun da se presenté chël de al’ora fata fora, á le dovëi da avisé l’Aziënda sanitara y eventualmënter la strotöra sanitara privata che pîta la prestaziun spezialistica ambulanta por cunt dl Sorvisc sanitar provinzial tl tëmp stabilí dala Junta provinziala aladô dl coma 5; insciö ti vëgnel conzedü al’Aziënda sanitara dl Südtirol da gestí cun plü efiziënza les listes d’aspeta.

(2)  Ala porsona che ne se presentëia nia al apuntamënt fat fora por la prestaziun vëgnel apliché na sanziun aministrativa de 35,00 euro sce ara, zënza na rajun iustificada, ne se crüzia nia da desdí le termin, aladô dl coma 1, pro l’Aziënda sanitara y eventualmënter pro la strotöra sanitara privata che pîta la prestaziun; chësc vel ince por porsones che é, por ci rajun chessî, alediades dala compartezipaziun ales spëises sanitares.

(3)  93)

(4)  Al n’é nia conzedü da paié les sanziuns aministratives preodüdes dai comesc 2 y 3 te na mosöra arbassada. L’Aziënda sanitara fej les sanziuns aministratives aladô dles desposiziuns provinziales te chësta materia y les tira ince ite aladô de chëstes desposiziuns. Les entrades corespognëntes ti vá al’Aziënda sanitara. Al ne vëgn nia fat na sanziun aministrativa sce al vëgn dant les zircostanzes stabilides dala Junta provinziala che iustifichëia le fat che la prestaziun spezialistica ambulanta prenotada n’é nia gnüda anuzada.

(5)  La Junta provinziala fissa le termin por l’avis preodü dal coma 1, i criters por n’aplicaziun coreta de chësc articul, le scomenciamënt dles mosöres preodüdes dai comesc 2 y 3 y vëiga danfora esenziuns eventuales dala sanziun aministrativa preodüda chiló, sciöche ince mosöres por na majera informaziun ales paziëntes y ai paziënc. 94)

(1)  174)

(2)  175)

(3)  L’Aziënda sanitara va en funziun al pröm de jenà 2007. Les aziëndes sanitares de Balsan, Maran, Porsenù y Bornech vëgn tutes jö ai 31 de dezëmber 2006. 

(4)  176)

(5)  177)

(6)  178)

(7)  Le patrimone inizial dl’Aziënda sanitara é metü adöm dai patrimoni dles aziëndes sanitares tutes jö aladô dla situaziun patrimoniala di 31 de dezëmber 2006, sciöch’al é gnü determiné dala Junta provinziala. Le trasferimënt dl patrimone dles aziëndes sanitares stlütes ala Aziënda sanitara sozed aladô di valurs registrà. La delibera dla Junta provinziala costituësc le titul por la trascriziun de chisc valurs ti registri respetifs aladô dl articul 5, coma 3, dl Decret legislatif di 30 de dezëmber 1992, nr. 502, y mudaziuns suandëntes.

(8)  Cun la metüda en funziun dl’Aziënda sanitara, gnarà i sorvisc bancars aladô dl articul 15 dla lege provinziala di 5 de novëmber 2001, nr. 14, reunis te öna na banca o te deplü banches assoziades.

(9)  179)

(10)  La Junta provinziala po istituì gestiuns aposta che à le compit de ćiarè dl’aministraziun di raporć determinà o dles funziuns assoziades ales aziëndes sanitares tutes jö, che ne vëgn nia trasferides tl’Aziënda sanitara.

(11)  Le Diretur general dl’Aziënda sanitara tol sö düć i provedimënć nezesciars por l’assunziun dl patrimone, sciöch’al é gnü stabilì dal provedimënt dla Junta provinziala aladô dl coma 7, y de düć i raporć iuridics atifs y passifs dles aziëndes sanitares tutes jö, atuales y tl dagnì y te vigni manira che à n lian cun les aziëndes sanitares instësses, che pëia ia cun la data stabilida tl coma 3.

(12)  180)

(13)  181)

(14)   182)

(15)  183)

(16)  I Direturs medicai che le dé olach’al vëgn tut jö les aziëndes sanitares de Balsan, Maran, Porsenù y Bornech à la funziun de Diretur medich de ospedal y che ne n’à nia i recuisić preodüs tl articul 14, coma 5, po gnì reconfermà por dötalplü cin agn.

(17)  Ćina na regolamentaziun nöia dl contrat coletif por assiguré i Sorvisc sanitars pol gnì apliché danter i distreć sanitars les convenziuns aladô dl articul 50, coma 1, lëtra a) dl contrat coletif varënt danter i seturs y dl setur por le teritore dl personal medich y di medi di tiers.

(18)  Le referimënt ales aziëndes tutes jö che é contignü tles normes varëntes tl momënt dla jüda en forza de chësta lege, vel da sëgn inant por l’Aziënda sanitara de Südtirol. Le Diretur general po deleghé ai distreć sanitars, dötes o na pert dles funziuns y dles oblianzes aministratives che vëgn dales normes varëntes nominades. Sce chëstes funziuns y oblianzes indere é diretamënter liades cun les funziuns y les oblianzes aministratives dl Diretur dl comprensore sanitar , spo ti spéteres a chësc ultimo.184)

(1)  Le Laboratore de igiena y de profilassa, seziun de medejina micrografica, ciafa l’inom de « Laboratore interaziendal de microbiologia y de virologia dl Ospedal zentral » y al é responsabl di seturs dla parassitologia, bateriologia, virologia umana y dla sierologia.

(2)  Le Laboratore interaziendal de microbiologia y de virologia à n diretur dl secundo livel dla disciplina spezifica.

(3)  Do l’istituziun dl Laboratore interaziendal de microbiologia y de virologia, ciafa le Laboratore dla analisa chimica-tlinica y microbiologica dl Ospedal zentral l’inom de “Laboratore de biochimica tlinica”, che laora ti seturs de biochimica tlinica, de ematologia y de farmacocinetica.

(1)  Le Plann sanitar provinzial definësc la strotöra dl Sorvisc de ingegneria tlinica y disciplinëia les funziuns y i raporć tl ćiamp dles aziëndes sanitares, sciöche inće ti confrunć de d’atri sorvisc y ofizi provinziai.

(2)  188)

(1)  La dotaziun de personal de vigni Aziënda sanitara, por ći che reverda i profii profescionai che laora tl setur sozial vëgn stabilida, sön proposta dl’aziënda instëssa, cun na delibera dla Junta provinziala.

(1)  Le program de formaziun dl infermier de pröm aiüt y dl aiutant de pröm aiüt volontar vëgn regolè cun la delibra dla Junta provinziala.

(1)  Le program de formaziun dl operadù sozio-sanitar é regolè dala Junta provinziala.

(2)  La dorada y i contignüs dla formaziun, respetan i contignüs y i recuisić minims aladô dla regolamentaziun statala, vëgn integrà cun tematiches suplementares y diretives sön la basa dl svilup dla formaziun y dl debojëgn di sorvisc sozio-sanitars dla Provinzia autonoma de Balsan.

(1)  Le diplom de carigà ortopedich autorisëia la produziun spezialisada de ćialzà ortopedics y de proteses dal pé ćina sö dal jenëdl, aladô dla prescriziun dl mede competënt.

(2)  La dorada y i contignüs dla formaziun vëgn stabilis dala Junta provinziala.192)

(1)  Aladô dl articul 6 dl Decret dl Presidënt dla Republica di 22 de jenà 1980, nr. 197, vëgnel metü sö na comisciun tecnica che dà so arat sön l’avalianza di diploms o di atestać dles cualificaziuns profescionales sanitares nia mediches, arjuntes ti paîsc dl areal cultural todësch.

(2)  La comisciun é nominada dala Junta provinziala y ara é metüda adöm da:

1. le diretur dl Ofize Formaziun dl personal sanitar sciöche presidënt;
2. n espert tla materia de reconescimënt di titui de stüde tl setur sanitar;
3. n rapresentant dl setur di infermiers;
4. n rapresentant dl setur dla reabilitaziun;
5. n rapresentant dl setur dla tecnica sanitara.

(3)  La Junta provinziala stabilësc i criters por le prozedimënt dla detlaraziun de avalianza.

(1)  Les entrades aladô di articui 35 y 36 fluësc tl bilanz dles aziëndes sanitares, che dà prestaziuns d’assistënza. De chëstes somes mëssel gnì tignì cunt tla determinaziun dla cuota d’assegnaziun dl Fond sanitar provinzial.

(1)  L'aziënda sanitara po mëte a desposiziun debann a paziënć post acuć che à la residënza tla provinzia de Balsan, do la relasciada da na strotöra sanitara publica o privata convenzionada, strotöres sanitares por le tëmp de varijun.

(2)  Les strotöres sanitares po inće gnì scrites dant dal personal infermieristich y fisioterapistich dl'aziënda, cun n formular spezifich.

(3)  L'aziënda sanitara prevëiga la curida dl’assiguraziun di dagns ai assistis o a terzi che vëgn dal malfunzionamënt dles strotöres adorades coretamënter. 194)

(1)  Le trasport de prescia y le trasport di amarà ti po gnì afidà al’Assoziaziun provinziala de pröm aiüt dla Crusc Blanćia” y al’organisaziun cun na competënza locala dla “Crusc Cöcena taliana”.195)

(1/bis)  Les aziëndes sanitares, respetan i prinzips y les diretives aprovades dala Junta provinziala, stabilësc les modalitês por le trasport de prescia y le trasport di amarà. Por chësc mëssel gnì respetè i recuisić seghënć :

1. le sorvisc, independënt dal’economizité dl intervënt concret, mëss curì le teritore intier, 24 ores sön 24, cun n personal cualifiché, te na manira efiziënta y cun la medema cualité sön döt le teritore provinzial;
2. les organisaziun a chëres ch’al ti vëgn afidé le trasport de prescia y le trasport di amarà, é obliades de tó pert, tl caje de nezescité y zënza preiudize de chisc sorvisc, a intervënć de proteziun zivila y ai intervënć tl caje de desgrazies;
3. la domanda de trasport de prescia y de trasport di amarà mëss gnì curida te vigni momënt deplëgn. Sce chëstes organisaziuns ne n’é tlermënter nia da tant de curì chësta domanda, ti pol gnì conzedü chësta autorisaziun a d’atres istituziuns y firmes;
4. les entrades che vëgn ite cun i trasporć di amarà, mëss contribuì a curì i cosć dl trasport de prescia.196)

(2)  Les aziëndes sanitares fistidiëia, por chi che é scrić ite tl Sorvisc sanitar provinzial, dl paiamënt dles spëises dl’assistënza tl ospedal tl’Austria aladô dl Plann sanitar provinzial y ala retüda dles spëises de prestaziuns d’ospedal che aladô dles desposiziuns varëntes, po gnì fata diretamënter.

(3)  Les aziëndes sanitares ćiara inće dl incassamënt di imporć, che reverda les spëises sanitares; por chësc fin pores inće stlü jö convenziuns cun les assiguraziuns. I contribuć fluësc tl bilanz dles aziëndes sanitares.

(4)  I tëmps y les modalitês dl trasferimënt dles funziuns aladô di comesc 1, 2 y 3 ales aziëndes sanitares, les modalitês tecniches-organisatives sciöch’inće le contingënt dl personal nezesciar, vëgn stabilis dala Junta provinziala.

(5)  Le personal provinzial preodü por l’eserzize dles funziuns aladô di comesc 1, 2 y 3 a sorvisc le dé stabilì dala Junta provinziala aladô dl coma 4, po optè sce restè inant a sorvisc tla Provinzia anter i 30 dis dala data d’adoziun dl provedimënt da pert dla Junta provinziala. L’incuadramënt dl personal aministratif trasferì sozed sot ala osservanza dl paiamënt dla ponsiun; indenitês eventuales tutes fora valgönes indenitês liades cun le destrigamënt de funziuns determinades.

(1)  Tignin cunt dl’autonomia gestionala, por la cumpra, la fornidöra y le refornimënt de bëgns de consum y de sorvisc determinà y por avëi vantaji sön i prisc, sciöch’inće por garantì te döta la provinzia la medema cualité y spezialité di bëgns y di sorvisc, po les aziëndes sanitares se mëte adöm, inće cun i ënć de d’atres regiuns talianes sciöch’inće de d’atri paîsc europeics, por stlüje jö n contrat de fornidöra deboriada.197)

(2)  Tl caje di proieć chiris fora dala Junta provinziala sön la basa dles esigënzes de coordinaziun o dl valur dles fornidöres, po chëstes gnì curades dal’aministraziun provinziala, cun la poscibilité de preodëi finanziamënć moscedà danter la Provinzia y les aziëndes sanitares; les fornidöres po inće gnì aministrades tla forma de assoziaziun danter la provinzia y les aziëndes sanitares.198)

(3)  La Junta provinziala dà fora diretives por le funzionamënt dles assoziaziuns aladô di comesc prezedënć.199)

(1)  Por miorè la cualité dl’assistënza sanitara y por arjunje i obietifs stabilis tl Plann sanitar provinzial, é les aziëndes sanitares dla Provinzia de Balsan autorisades de fà compić istituzionai, de costituì y de tó pert a sozietês de capitai sciöch’inće de traspone modei gestionai y formes contratuales aposta.200)

(2)  Le contrat sozial po gnì stlüt jö cun sogeć dl dërt publich, inće austriacs, y dl dërt privat, che alda inće pro l’Uniun Europeica, sot ala condiziun che al’Aziënda sanitara ti spétel almanco mez le capital sozial.

(3)  Le regolamënt costitutif mëss s’orientè do chisc criters:

1. privilegé tl areal dl setur privat la partezipaziun dles organisaziuns zënza davagn de n ütl sozial;
2. definì la dorada dla colauraziun;
3. preodëi le dërt de prelaziun por l’Aziënda sanitara tl caje de zessamënt dles cuotes o de aumënt dl capital;
4. preodëi la destinaziun di fins eventuai y la responsabilité de curì desćiaudades eventuales;
5. regolè les formes de desliaziun dl contrat tl caje de inademplimënt de oblianzes contratuales de pëis o tl caje de indebitamënt azertè defrunt a terzi ;
6. definì les competënzes, les funziuns y les oblianzes che reverda dötes les perts contraëntes publiches y privates;
7. proibì formes contratuales de apalt y de subapalt por la fornidöra de sorvisc lià diretamënter al’assistënza dl paziënt.

(1)  En referimënt a ći che é preodü tl articul 30, coma 3 vëgnel metü en funziun le Sistem informatif sanitar teritorial por promöie na programaziun y na gestiun efiziënta di sorvisc a bëgn di debojëns di zitadins.

(2)  Le Sistem informatif sanitar teritorial coordinëia i sistems de informaziun di operadus dl Sorvisc sanitar provinzial, por chi che la Provinzia stabilësc diretives y protocoi tecnics de funzionamënt.

(3)  Le Sistem informatif se dà da fà por chëstes finalitês:

1. al fornësc ales strotöres dl Sorvisc sanitar provinzial l’aiüt che va debojëgn por le dër funzionamënt di bogn sorvisc;
2. al garantësc ala Provinzia n flus de informaziuns por che les ativitês de programaziun, de control y d’organisaziun vëgnes fates te na manira adeguada ;
3. en acordanza cun les atres strotöres sanitares, ti pîtel ai zitadins y ai operadus dl Sorvisc sanitar provinzial dać y informaziuns sön les ativitês fates y sön les prestaziuns por l’educaziun sanitara, la partezipaziun y le control ;
4. al ti dà la poscibilité ala Provinzia y ai atri operadus dl Sorvisc sanitar provinzial de ti jì do al dovëi de informaziun scrit dant ti confrunć dles istituziuns, autorisades sciöche por ejëmpl le minister dla sanité, le minister dl tresur y l’Istat.

(4)  Le sistem teritorial de sanité pîta laprò inće:

1. l’infrastrotöra tecnologica nezesciara por ativé la tessera sanitara personala che ti vëgn dada a vignun che à le dërt ai sorvisc sanitars provinziai;
2. l’infrastrotöra tecnologica nezesciara por ativé en acordanza cun les aziëndes sanitares y i sorvisc spezialisà competënć, i sorvisc de tele-medejina;
3. l’infrastrotöra tecnologica nezesciara por ativé, en acordanza cun les aziëndes sanitares y i sorvisc spezialisà competënć, la cherta tlinica eletronica;
4. l’infrastrotöra tecnologica dl Osservatore epidemiologich provinzial.

(5)  Por les ativitês aladô dl coma 3 vëgnel ma tut en conscidraziun dać anonims, che ne se referësc nia a porsones identificades o che po gnì identificades.

(6)  Les strotöres sanitares che anüza le Sistem informatif sanitar teritorial, laora fora i dać personai tan inant ch’ai reverda ma i compić y i sorvisc fać tla cornisc bëgn definida de so ćiamp d’aziun y de so sistem informatif local. Les medemes strotöres po indere inće anuzé, por la comunicaziun di dać personai a d’atres istituziuns, ti caji y ti limi preodüs dala lege nr. 675/1996 y mudaziuns suandëntes, de modalitês tecniches standard, inće de segurëza di dać, definis cun regolamënć dala Junta provinziala, sön la basa de na consultaziun dles categories interessades, do avëi aldì l’arat dl ënt por la sconanza di dać personai y en acordanza cun i rapresentanć sindacai di medi de medejina generala y di medi di mituns de lîta lëdia por les chestiuns por chëres ch’ai é responsabli.201)

(1)  La Junta provinziala é autorisada de tó pert ala costituziun de istituziuns privates por la gestiun de zëntri de prevenziun, de comunitês terapeutiches y de zëntri de reabilitaziun y de integraziun de grups de porsones speziales.

(2)  Le statut dl’istituziun mëss assiguré ai ënć locai, ales organisaziuns de volontariat y ales assoziaziuns che operëia te chësc setur l’azès ales strotöres y ai sorvisc, sciöch’inće na rapresentanza adeguada dla Provinzia ti organns soziai y de control.

(3)  Ćina al’aprovaziun de na lege por discipliné la materia intiera, stabilësc la Junta provinziala les modalitês d’assegnaziun di bëgns imobii, di injins y dl aredamënt che les istituziuns adora aladô dl coma 1.

(4)  La Junta provinziala é autorisada de ti dè ales istituziuns aladô dl coma 1, nia ma la cuota soziala preodüda tl statut, mo inće n contribut anual por la gestiun di zëntri de prevenziun, dles comunitês terapeutiches y di zëntri de reabilitaziun. Do avëi ciafè l’arat di organns consultifs competënć, po le contribut gnì antizipé cun le 50% dla soma indicada tl bilanz preventif dl’istituziun.

(5)  Sön proposta dles aziëndes sanitares, po la Junta provinziala autorisé d’atres formes de gestiun dles strotöres aladô dl coma 1, cun la colauraziun danter les medemes aziëndes y assoziaziuns de volontariat. Le finanziamënt dl’ativité sozed sön la basa dles prestaziuns definides ti proieć aposta, tl plann de produziun y tl ambiënt di finanziamënć stabilis anualmënter y di trasferimënć ales medemes aziëndes sanitares.

(1)  La Junta provinziala é autorisada de conzede contribuć, aiüć y sovenziuns por i prestadus publics y privać tl setur sanitar por arjunje o por sostignì i obietifs dl Plann sanitar provinzial sciöch’inće por le sostëgn di proieć de priorité y dles aziuns programades, che corespogn al Plann sanitar.

(1/bis)  L'Aziënda Sanitara dl Südtirol ti ret ales porsones che á le dërt da gní assistides y a che che les acompagnëia, aladô de modalités stabilides dala Junta provinziala, les spëises dl mangé, dl dormí y dl iade liades a intervënc de traplantaziuns de organs fac defora dala provinzia de Balsan. Chëstes spëises ti vëgn ince retüdes ales paziëntes y ai paziënc paraplegics y tetraplegics che mëss se sotmëte a terapies de reabilitaziun defora dala provinzia de Balsan, sciöche ince ales porsones che i acompagnëia. L'Aziënda Sanitara dl Südtirol rembursëia ince, aladô de modalités stabilides dala Junta provinziala, les spëises de sopoltöra por donadus de organs sce al ti é gnü tut fora organs te na strotöra sanitara provinziala.   203)

(2)  204)

(1)  Abrogades é dötes le desposiziuns che ne n’é nia compatibles cun chësta lege, y dantadöt romagn chëstes desposiziuns dla lege a vigni moda abrogades:

1. la lege provinziala di 23 de jügn 1973, nr.14, y mudaziuns seghëntes;
2. la lege provinziala di 10 de otober 1975, nr. 51;
3. i articui 1, 2, 3, 4, 6 y 8, coma 1, dla lege provinziala di 23 de otober 1975, nr. 52;
4. i articui 1, 2, 7, 8, 9, 10, 10/bis, 13, 21, 23, 24, 25, 26, 27, 28, 29, 30, 31, 32, 33, 35 y 36 dla lege provinziala di 25 de jügn 1976, nr. 25;
5. le lege provinziala di 29 de messè 1978, nr. 38;
6. la lege provinziala di 23 de merz 1979, nr. 1;
7. la lege provinziala di 9 de mà 1980, nr. 10;
8. la lege provinziala di 16 de mà 1980, nr. 11;
9. la lege provinziala di 20 de jügn 1980, nr. 20;
10. i articui 3, 19, 20, 22, 23, 32, 35, 36 y 37 dla lege provinziala di 2 de jenà 1981, nr. 1;
11. la lege provinziala di 26 de forà 1981, nr. 5;
12. la lege provinziala di 18 de jügn 1981, nr. 13;
13. i articui 1, 6, 7, 9 y 10 dla lege provinziala di 8 de aurì 1982, nr. 12;
14. l’articul unich dla lege provinziala di 14 de aurì 1982, nr. 13;
15. la lege provinziala di 14 de aurì 1982, nr. 14;
16. la lege provinziala dl 1 de jügn 1982, nr. 21;
17. la lege provinziala di 11 de merz 1983, nr. 8;
18. i articui 2, 22, 23, 28, comesc 7, 29 y 50 dla lege provinziala di 30 de jügn 1983, nr. 20 y mudaziuns seghëntes;
19. la lege provinziala di 26 de messè 1983, nr. 25;
20. i articui 1 y 4 dla lege provinziala di 18 de agost 1983, nr. 30;
21. la lege provinziala di 18 de agost 1983, nr. 34;
22. la lege provinziala di 25 de otober 1983, nr. 39;
23. i articui 4, 13, 19 y 21 dla lege provinziala di 5 de jenà 1984, nr. 1;
24. la lege provinziala di 22 de otober 1984, nr. 13;
25. la lege provinziala di 2 de messè 1985, nr. 10;
26. le coma 3 dl articul 4 dla lege provinziala di 17 de agost 1987, nr. 21;
27. l’articul 2 dla lege provinziala di 3 de jenà 1986, nr. 2;
28. i articui 5 y 6 dla lege provinziala di 17 de agost 1987, nr. 21;
29. l’articul 7 dla lege provinziala di 12 de mà 1988, nr. 19;
30. la lege provinziala di 19 de dezëmber 1988, nr. 62;
31. i articui 2, 3, 4, 5, 6, 7, 8, 9, 11, 12, 13, 14, 16, 17, 18, 19, 20, 23, 24, 25, 26, 27, 28, 29, 31, 32, 33 y 34 dla lege provinziala di 18 de agost 1988, nr. 33;
32. i articui 1, 2, 3, 4, 5, 7, 8, 9 y 11 dla lege provinziala di 29 de messè 1992, nr. 30;
33. l’articul 4 dla lege provinziala di 10 de novëmber 1993, nr. 22;
34. i articui 2 y 3 dla lege provinziala di 19 de dezëmber 1994, nr. 13;
35. l’articul 11 dla lege provinziala di 13 de novëmber 1995, nr. 22;
36. l’articul 7/bis dla lege provinziala di 26 de agost 1993, nr. 14, metü ite cun l’articul 28 dla lege provinziala di 30 de jenà 1997, nr. 1;
37. l’articul 8 dla lege provinziala di 27 de dezëmber 1993, nr. 28, metü ite dal articul 19 dla lege provinziala di 9 de jügn 1998, nr. 5;
38. l’articul 22 dla lege provinziala di 9 de agost 1999, nr. 7;
39. 205)
40. le coma 13 dl articul 26 dla lege provinziala di 17 de forà 2000, nr. 7.

(1) 206)

(2) 206)

(3) 207)

(4) 208)

(5)  L’autorisaziun, che é tla competënza dla Junta provinziala aladô dl articul 6 dla lege provinziala di 2 de jenà 1981, nr. 1, por daurì, amplié y adatè ćiases d’assistënza, stabilimënć termai, ambulators de terapia dl corp, laboratori de analises, radiodiagnostica y istituziuns analoghes, y aladô dl Decret dl Re di 27 de messè 1934, nr. 1265, vëgnel dè fora, do avëi aldì, tl caje de derogaziun ai recuisić preodüs dala normativa varënta, le Comitê provinzial por la programaziun sanitara.

(1)  Por l’unificaziun dl ordinamënt sanitar provinzial y por la sintesa dles normes dles leges provinziales sanitares te n test unich, presentëia la Junta provinziala do dui agn dala data dla jüda en forza de chësta lege na proposta de lege tl Consëi provinzial.

(2)  Anter 6 mëisc do che chësc test unich é jü en forza aladô dl coma 1, aprovëia la Junta provinziala n test unich dl regolamënt tl setur sanitar.

Chësta lege gnarà publicada tl Boletin Ofizial dla Regiun. A chi ch’al ti speta, mëss la osservè y la fà osservè sciöche lege dla Provinzia.