(1) I dirigënć sanitars vëgn portà ite te n organich su che é partì sö do i profii profescionai, y tlassificà te n livel su, articolè en relaziun ales responsabilitês profescionales y de gestiun desvalies. 117) 118)
(2) L’ativité di dirigënć sanitars é caraterisada tl destrigamënt dles funziuns y di compić cun dal’autonomia tecnica-profescionala; sü ćiamps d’eserzize vëgn tres indô amplià sön la basa de momënć de valutaziun y de ejaminaziun dal superiur atira dessura. Le dirigënt, en relaziun cun l’ativité, cun i programs da realisé y cun sües funziuns spezifiches, é le responsabl dl resultat. 119) 120)
(3) Pro la pröma assunziun ti vëgnel afidé al dirigënt compić profescionai cun ambić avisa de autonomia prezis, da eserzité respetan les diretives dl dirigënt responsabl dla strotöra. Al dirigënt cun cin agn d’ativité ti pol gnì atribuì inćiaries de profesciuns inće de na spezialisaziun alta, de consulënza, de stüde y d’archirida, de control, d’ejaminaziun y d’ispeziun, sciöch’inće de responsabilité de strotöres scëmples. 121) 122)
(4) 123)
(5) Ai dirigënc sanitars cun inciaria de direziun de strotöra complessa ti vëgnel atribuí, dlungia sües funziuns che vëgn da sües competënzes profescionales spezifiches, ince funziuns de direziun y d’organisaziun dla strotöra da ademplí tl cheder dles diretives operatives y de gestiun dl departimënt de portignënza, ince dan dant les diretives por döt le personal che laora te chësta strotöra y tolon les dezijiuns nezesciares por le destrigamënt regolar dl sorvisc y por garantí la conformité de düc i intervënc de prevenziun, diagnosa, terapia y reabilitaziun, che vëgn fac tla strotöra che ti é gnüda afidada. Le dirigënt é responsabl dla gestiun efiziënta y efetiva dles ressurses che ti vëgn assegnades. 124)
(6) Al'inciaria de diretur sanitar/direturia sanitara y ales inciaries de direziun de strotöra complessa ti pón pormez en conformité cun les desposiziuns de setur varëntes tres concurs publich por titui y ejams o tres seleziun publica. Al concurs o ala seleziun pól ince tó pert che che á na spezialisaziun te n ciamp ecuivalënt, tignin cunt che i contrac coletifs de setur regolamentëia le mantignimënt di elemënc de paiamënt fisc, che le personal dirigënt á ciafé canche chësta lege é jüda en forza. 125)
(7) Sce pro le concurs o la seleziun por l’inciaria de direziun dl raiun teritorial o dl Sorvisc de medejina de basa dl’Aziënda Sanitara n’él gnü ciafé degügn candidac adatá, pó la direziun de chëstes strotöres ti gní surandada ince a doturs de medejina generala cun n’esperiënza profescionala de almanco diesc agn. 126)
(8) Te 18 mëisc dal’assunziun dl'inciaria de direziun de strotöra complessa mëss i dirigënc stlüje jö la formaziun de management. Sce le pröm curs invié ia dal’Aministraziun provinziala do le conferimënt de süa inciaria ne vëgn nia stlüt jö cun suzes, perdi l'inciaria. 127)
La rubrica é gnüda sostituida dal art. 23 dla L.P. di 15 de otober 2006, nr. 9.
Le coma 1 é gnü sostituì dal art. 45 dla L.P. di 15 de novëmber 2002, nr. 14.
La verjiun todëscia dl art. 46, coma 1 é gnüda mudada dal art. 3, coma 11 dla l.p. di 21 d’aurí dl 2017, n. 4.
Le coma 2 é gnü sostituì dal art. 45 dla L.P. di 15 de novëmber 2002, nr. 14.
La verjiun todëscia dl art. 46, coma 1 é gnüda mudada dal art. 3, coma 11 dla l.p. di 21 d’aurí dl 2017, n. 4.
Le coma 3 é gnü sostituì dal art. 45 dla L.P. di 15 de novëmber 2002, nr. 14.
La verjiun todëscia dl art. 46, coma 1 é gnüda mudada dal art. 3, coma 11 dla l.p. di 21 d’aurí dl 2017, n. 4.
L'art. 46, coma 4 é gnü sostituí dal art. 23 dla l.p. di 2 d'otober dl 2006, n. 9, y spo integré dal art. 43, coma 2 dla l.p. di 10 de jügn dl 2008, n. 4 y inultima él gnü abroghé dal art. 7, coma 1, lëtra a), dla l.p. di 21 d'aurí dl 2017, n. 4.
L'art. 46, coma 5 é impröma gnü sostituí dal art. 23 dla l.p. di 2 d’otober dl 2006, n. 9, y dedô dal art. 3, coma 12 dla l.p. di 21 d’aurí dl 2017, n. 4.
L'art. 46, coma 6 é gnü sostituí insciö dal art. 3, coma 12 dla l.p. di 21 d'aurí dl 2017, n. 4, y spo mudé dal art. 10, coma 6 dla l.p. di 7 d'agost dl 2017, n. 12.
L'art. 46, coma 7 é gnü sostituí insciö dal art. 3, coma 12 dla l.p. 21 d’aurí 2017, n. 4.
L'art. 46, coma 8 é gnü sostituí insciö dal art. 3, coma 12 dla l.p. 21 d’aurí 2017, n. 4.