(1) L fat che l ne vën nia respetà l’autëza, la destanzes, la cubatura, la sëuraspersa curida y uni auter parameter dla uniteies imubilieres singules ne cumporta nia na viulazion de frabica sce chësc ie limità al doi percënt dla mesures preududes tl’autorisazion de frabiché. 182)
(2) Ora che ti caji nunziei tl coma 1, vën oradechël nce la iregulariteies geometriches y la mudazions ala finidures dla frabiches minimes, coche nce l nluegiamënt defrënt de mplanc y opres dedite dejëutes ntan i lëures per l’atuazion de autorisazions de frabiché, ratedes toleranzes d’esecuzion, a cundizion che les ne cumporte nia viulazions di regulamënc urbanistics y de frabica y che les ne sibe nia de mpedimënt per l’agibltà dla imubilia. Chësc ne vel nia per la imubilies che ie sometudes ai liams storich-artistics o de cuntreda nunziei tl articul 11, coma 1, pustoms a), b), d), e), f) y i) o a chëles che ie sometudes ala defendura nunzieda tl articul 12 o tl articul 13, a cundizion che les respetëie la mesures de scunanza particulera che la Jonta provinziela dà dant pra l’apurvazion dl plan de cuntreda nunzià tl articul 47 o de mudazions de chësc. 183)
(3) La toleranzes esecutives nunziedes ti comes 1 y 2 realisedes ntan ntervënc de frabica fac dant, vën, ajache les ne costituësc nia viulazions de frabica, detlaredes da n tecnich abilità/da na tecnica abiliteda, per l fin dl’atestazion dl stat legitim dla imubilies, ti formuleres revardënc istanzes nueves, comunicazions y senialazions de frabica o cun na detlarazion aposta cunfermeda y njunteda ai ac che à per oget l trasferimënt o la costituzion, o la delibrazion dla cumenanza, de dërc reéi. 184)
L art. 89-bis, coma 1, ie unì baratà ora nsci dal art. 28, coma 1, dla L.P. dl prim de juni 2023, n. 9.
L art. 89-bis, coma 2, ie n iede unì baratà ora dal art. 28, coma 2, dla L.P. dl prim de juni 2023, n. 9, y dadedò dal art. 8, coma 3, dla L.P. di 26 de merz 2024, n. 1.
L articul 89/bis ie unì njuntà dal articul 4, coma 9, dla L.P. di 10 de jené 2022, n. 1.