(1) Sce n cuatier sometù al liam nunzià tl articul 39 o 40 ie ocupà da una o plu persones che n n’à nia la rejon, vëniel aplicà na straufonga de scioldi de 5.000 euro. 190)
(1/bis)191)
(2) Sce l cuatier ocupà ilegitimamënter ne vën nia delibrà tl tëmp de sies mënsc dala nutificazion dla urdinanza de paiamënt dla straufonga de scioldi n cont dla viulazion nunzieda tl coma 1 o tl cajo de repetizion dla viulazion nunzieda tl coma 1 ti cin’ ani che vën do, vëniel aplicà mo na straufonga sëuraprò de 20.000. 192)
(3) Sce la comunicazion preududa dal articul 39, coma 4-bis, ne vën nia fata o ie tardiva ti cunfrons dl tiermul iló dat dant, vëniel aplicà na straufonga de 1.000 euro. Tl tëmp de 90 dis dala comunicazion dla urdenanza definitiva nvia l Chemun via la pruzedura preududa dal articul 39, coma 4-bis, per la indicazion de persones che n à l dërt y per la detlarazion dl Istitut per l frabiché soziel dla ulentà de tò a fit l cuatier. 193)
(4) Sce l cuatier ne vën nia metù a despusizion dl Istitut per l frabiché soziel o dla persones indichedes dal Chemun aldò y ti tëmps dac sëura dal articul 39, coma 4-bis, muessa l soget patron ti paië al Istitut per l frabiché soziel o resptivamënter al Chemun, per uni mëns de cunseniazion tardiva, na straufonga de scioldi curespundënta a doi iedesc y mez l amudlé dl priesc de fit provinziel. 194)
(5) Sce l priesc de fit fat ora superea, n viulazion dl articul 39, coma 1, o dl articul 40, coma 2, chël provinziel per cuatieres o l priesc de fit preudù dal articul 40, coma 2, per autogarages, lueges per auti y purtenienzes sëuraprò, vëniel aplicà per l tëmp dla viulazion na straufonga de scioldi curespundënta a cin iedesc la soma sëurora, ma, a uni moda, nia plu auta dl lim mascim de 15.000 euro. Sce l cuntrat de fit ne vën nia cumedà tl tëmp de 45 dis dal’urdenanza definitiva y l priesc de fit adatà a chël provinziel, vëniel aplicà na straufonga de scioldi sëuraprò de 10.000 euro. La manieres de calcul dl priesc de fit provinziel y l lim eventuel per la vianvieda dl pruzedimënt de straufonga possa unì spezifichei cun regulamënt. L resta te uni cajo mpe l dërt dl fitadin/dla fitadina ala retuda dla somes che l/la ne fova nia debit. 195)
(6) La persona che ocupea l cuatier, che ie unida nfurmeda per scrit n cont dla ublianzes che se porta pro dal liam nunzià tl articul 39 dan o tl medemo tëmp che l ie unì stlut ju l cuntrat de bujën per l’ocupazion, respuend n solidarietà cun l soget patron o nuzënt dl cuatier per l paiamënt dla straufonghes indichedes pra i comes 1 y 2. La frasa da dant ne vën nia aplicheda tl cajo de cuatieres ocupei per fins turistics n viulazion dl articul 39. 196)
L art. 97, coma 1, ie n iede unì baratà ora dal art. 16, coma 7, dla L.P. di 19 d’agost 2020, n. 9, y dadedò dal art. 29, coma 1, dla L.P. dl prim de juni 2023, n. 9.
iL art. 97, coma 1/bis, ie unì metù ite dal art. 16, coma 8, dla L.P. di 19 d’agost 2020, n. 9, y dadedò abrogà dal art. 29, coma 5, dla L.P. dl prim de juni 2023, n. 9.
L art. 97, coma 2, ie n iede unì mudà dal art. 16, coma 9, dla L.P. di 19 d’agost 2020, n. 9, y dadedò baratà ora nsci dal art. 29, coma 2, dla L.P. dl prim de juni 2023, n. 9.
L art. 97, coma 3, ie n iede unì mudà nsci dal art. 16, coma 10, dla L.P. di 19 d’agost 2020, n. 9, y dadedò iel unì baratà ora nsci dal art. 29, coma 3, dla L.P. dl prim de juni 2023, n. 9.
L art. 97, coma 4, ie unì njuntà dal art. 29, coma 4, dla L.P. dl prim de juni 2023, n. 9.
L art. 97, coma 5, ie unì njuntà dal art. 29, coma 4, dla L.P. dl prim de juni 2023, n. 9.
L art. 97, coma 6, ie unì njuntà dal art. 29, coma 4, dla L.P. dl prim de juni 2023, n. 9.