o) Lege provinziala di 4 de mà dl 2023, n. 71)
Indicaziun de provegnënza di alimënc tla restoraziun coletiva

(1) Les desposiziuns de chësta lege vëgn aplicades a chisc ingrediënc che é ti alimënc che vëgn pitá tla restoraziun coletiva:

1. cern y produc da cern de armënt aladô dl regolamënt (CE) n. 1760/2000 dl Parlamënt europeich y dl Consëi di 17 de messé dl 2000;
   
2. cern y produc da cern de porcel, biscia, cioura y polam aladô dla injunta XI dl regolamënt (UE) n. 1169/2011 dl Parlamënt europeich y dl Consëi di 25 de otober dl 2011;
   
3. lat, smalz, brama ajia, ciote, iogurt natural, brama o ciajó;
   
4. üs, ince sot forma de üs intiers lüji, cogores dl ü lüjies, tler dl ü lüje o üs en polber.
   

(2) Cun "pitadus de restoraziun coletiva" él miné aladô dl articul 2, coma 2, lëtra d) dl regolamënt (UE) n. 1169/2011 dl Parlamënt europeich y dl Consëi di 25 d'otober dl 2011 "vigni sort de strotöra (ince n veicul o n banch de venüda fis o mobil), sciöche restoranc, menses, scores, ospedai y aziëndes de restoraziun olache, tl cheder de n'ativité imprenditoriala, vëgnel arjigné ca alimënc destiná da gní atira consumá da pert dl consumadú final". Por i fins de chësta lege tomel te chësta categoria ince les strotöres sciöche les ostaries de campagna ("Buschenschank") y posć olache al vëgn dé fora da mangé y bëre sön i lüsc da paur ("Hofschank").