(1) Por garantì la colaboraziun de grups de volontariat organisà pro intervënć de proteziun zivila dantadöt te situaziuns d’emergënza, po la Junta provinziala sön la basa de sü criters, stlüje jö convenziuns aladô dl articul 6 dla lege provinziala dl 1. de messè dl 1993, n. 11, cun organisaziuns scrites ite tl register provinzial dles organisaziuns de volontariat preodü dal articul 5 dla medema lege provinziala.
(2) Les organisaziuns interessades ti presentëia ala Repartiziun provinziala Proteziun cuntra le medefüch y proteziun zivila la domanda de reconescimënt cun la documentaziun damanada che é da sotmëte al arat dla medema Repartiziun; te chësta detlarëia les organisaziuns süa desponibilité a colaurè y de se sotmëte al control dl Ofize por la proteziun zivila y ala coordinaziun dles autoritês dl Sorvisc de proteziun zivila preodüdes dal articul 2, coma 2.
(3) Le diretur dla Repartiziun provinziala Proteziun cuntra le medefüch y proteziun zivila à n register aposta y é autorisé a ti dè fora a porsones iscrites ales organisaziuns reconesciüdes atestać de partezipaziun al sorvisc de proteziun zivila. 10)