m) Lege provinziala di 14 de merz dl 2008, n. 21)
Desposiziuns tl ćiamp dl’istruziun y dla formaziun

(1) Le cuinto ann dè dant tl articul 8 po gnì frecuentè da:

1. chi che à stlüt jö na scora de formaziun profescionala de cater agn te na direziun de stüde che ti corespogn ai cursc metüs a jì aladô dl articul 9, coma 1;
2. chi che, do na formaziun da lerner de almanco trëi agn te na direziun de stüde corespognënta, à na cualifica y à frecuentè cun suzès n ann de spezialisaziun dla formaziun profescionala o na formaziun ecuivalënta.

(2) L'amisciun al cuinto ann é sotmetüda ala verificaziun di titui o dles competënzes dan man, sön la basa di standarg minimai damanà por l’azès ai cursc de Istruziun y formaziun tecnica alta (IFTA).