m) Lege provinziala di 14 de merz dl 2008, n. 21)
Desposiziuns tl ćiamp dl’istruziun y dla formaziun

(1) La Provinzia autonoma de Balsan, a öna cun les universitês talianes o da foradecà, organisëia cursc de n ann por porsones che à n diplom profescional arjunt tl cheder dla formaziun profescionala. Le fin de chisc cursc é chël de miorè les competënzes profescionales, personales y soziales, y de aprofondì les conescënzes de cultura generala, por aumentè la mobilité profescionala y les poscibilitês da fà cariera, y por cherié les condiziuns por podëi fà l'ejam de stat [aladô dl articul 12]30), che öga inće por l’azès al’université y ai istituć superiurs d’ert, de musiga y de bal.

(2) I cursc de n ann dà dant tl coma 1 se basa sön i cursc de trëi agn dles scores de formaziun profescionala y i cursc de spezialisaziun de n ann dla formaziun profescionala dedô, che vëgn stlüć jö cun cualifiches respetivamënter diploms profescionai reconesciüs a livel nazional. I cursc de trëi agn y i cursc de spezialisaziun de n ann nominà tol ite te süa strotöra curicolara, fora de na pert tecnica profescionala, inće na pert comosorada de contignüs de cultura generala y de teoria profescionala por assiguré le passaje ai cursc dà dant tl coma 1.

(3) I cursc de n ann dà dant tl coma 1 vëgn organisà y tignis dales scores de formaziun profescionala provinziales stabilides por chësc fin dala Junta provinziala tl plann por la formaziun.