m) Lege provinziala di 14 de merz dl 2008, n. 21)
Desposiziuns tl ćiamp dl’istruziun y dla formaziun

(1) L’insegnamënt vëgn partì sö te materies de basa, anfat por dötes les direziuns, y materies spezifiches che caraterisëia les direziuns de stüde desfarëntes dades dant tl articul 9, coma 1. Le orar che toca laprò vëiga danfora ativitês y materies obligatories, sciöche inće materies obligatories che le studënt o la studënta po se chirì fora aladô dles poscibilitês de cerna odüdes danfora ti planns de stüde.

(2) Les materies de basa é:

1. pröm lingaz provinzial: talian o todësch;
2. secundo lingaz provinzial: todësch o talian;
3. inglesc;
4. matematica;
5. dërt y economia;
6. storia y educaziun soziala.

(3) L’insegnamënt dles materies de basa é de almanco 650 ores de leziun.

(4) Les materies spezifiches che caraterisëia les direziuns de stüde desfarëntes tol ite la pert teorica dla direziuns de stüde che toca laprò, le proiet spezifich de direziun de stüde y le “project management” che toca laprò, che tol ite inće i eserzizi pratics. L’insegnamënt dles materies spezifiches che caraterisëia les direziuns de stüde desfarëntes é indöt de almanco 400 ores de leziun al ann.