i) Lege Provinziala di 26 de mà dl 2006, n. 41)2)
Gestion dl refudam y defendura dl terac

(1) La Jonta provinziela stabilësc:

1. l refudam y la metodes de recupereda adurvedes per fé dainora materia prima segondera, combustibli y prudoc; la despusizions sun l refudam vën aplichedes nchin che la operazions de recupereda autorisedes aldò dl articul 26 ie cumpletedes; chësc ie l cajo canche l ne ie nia de bujën de de plu tratamënc, ajache la sustanzes, i materiai y i ogec davaniei dainora possa unì adurvei te n pruzes ndustriel o cumerzialisei coche materia prima segondera, combustibl o coche prudot; chësc a cundizion che l detenient ne i tòle nia y tres y sce l ne à nia la ntenzion o l duvier de i tò y tres;
2. i materiai, la sustanzes y i ogec, che, zënza che l ie de bujën de na pruzedura de tramudeda, à bele la carateristiches dla materies primes segonderes, di combustibli o di prudoc, coche i ie determinei pra l pustom a); pra chisc materiai, chësta sustanzes y chisc ogec ne vëniel nia aplicà la despusizions sun l refudam, a cundizion che l detenient ne i tòle nia y tres y sce l ne à nia l duvier de i tò y tres.

(2) Te caji particuleres stabilësc l’Agenzia provinziela per l ambient, da tlo inant denumineda Agenzia provinziela, cun l'autorisazions nunziedes ti articuli 24 y 25 l refudam y la metodes de recupereda dl refudam adurvedes per davanië dainora materia prima segondera, combustibli y prudoc; la despusizions sun l refudam vën aplichedes nchin che la operazions de recupereda autorisedes aldò di articuli 24 y 25 ie cumpletedes; chësc ie l cajo canche l ne ie nia de bujën de de plu tratamënc, ajache la sustanzes, i materiai y i ogec resultei dainora possa unì adurvei te n pruzes ndustriel o cumerzialisei coche materia prima segondera, combustibl o coche prudot; chësc a cundizion che l detenient ne i tòle nia y tres y sce l ne à nia la ntenzion o l duvier de i tò y tres.