(1) Al’Agenzia ti vëgnel metü a desposiziun le personal dla Repartiziun Proteziun cuntra le medefüch y proteziun zivila, cun n contingënt de 74 unités a tëmp plëgn, dl Corp di stodafüch de profesciun, cun n contingënt de 149 unités a tëmp plëgn, y dla Repartiziun Costruziuns idrauliches, cun n contingënt de 79,26 unité a tëmp plëgn. I dependënc interessá romagn tl rode general o tl rode spezial dl Corp di stödafüch de profesciun dla Provinzia.
(2) L’Agenzia surantol döt i lauranti tuc sö cun contrat de dërt privat dal'Aziënda speziala por regolé les eghes y la defenüda dl terac, aladô dl articul 10 dla lege provinziala di 12 de messé 1975, n. 35, y mudaziuns suandëntes, mantignin düc i dërc arjunc y düc i dovëis.
(3) L’Agenzia pó tó sö personal, ince sajional, por le desfiramënt de sües ativités aziendales.
(4) Al personal dla Provinzia ti vëgnel apliché les desposiziuns sön l’ordinamënt dl personal provinzial. 78)
(5) Les spëises por le personal metü a desposiziun dala Provinzia é a ciaria dl bilanz dl’Agenzia. La gestiun de chësc personal vëgn fata dala Repartiziun provinziala competënta en materia. 79)
L'art. 28 é naota gnü mudé dal art. 8, coma 1 dl D.P.P. di 5 de dezëmber dl 2014, n. 31, y spo dal art. 7, coma 1 dl D.P.P. di 4 de dezëmber dl 2015, n. 32.
L'art. 28, coma 5 é gnü injunté dal art. 1, coma 37 dl'injunta B dl D.P.P. di 21 de forá dl 2017, n. 4.