a) Lege Provinziala di 1 de agost dl 1978, n. 461)
Provedimënć che reverda i invalig zivii, i verc zivii y i surć 2)

(1) Por ti podëi pormez ales prestaziuns singoles ne pó les porsones che fej domanda nia avëi n davagn personal anual da sotmëte a cutes por l'ann 2020 maiú co:

1. la ponsiun por invalig zivii totai, la ponsiun por verc zivii totai, la ponsiun por verc zivii che vëiga n pü’ de val’, la ponsiun por surc: 16.982.49 euro;
   
2. la ponsiun por invalig zivii parziai; 4.926.35 euro.
   

(2) Por i fins dá dant tl coma 1 vëgn le davagn da laur autonom y dependënt di invalig zivii parziai smendrí dl 50 porcënt. Al vëgn ince stlüt fora dala calcolaziun i davagns sotmetüs separatamënter a cutes, preodüs dal articul 17 dl decret dl Presidënt dla Republica di 22 de dezëmber dl 1986, n. 917, sön l'“Aprovaziun dl test unich dles cutes sön i davagns”.

(3) Por ciafé sö sce al é les condiziuns finanziares preodüdes dal coma 1, é le davagn de referimënt por ci che reverda les prestaziuns da paié fora dal 1. de jená ai 30 de setëmber de vigni ann, le devagn de dui agn dan l'ann che al vëgn paié fora les prestaziuns; por ci che reverda les prestaziuns dal 1. d'otober ai 31 de dezëmber de vigni ann vëgnel indere tut en conscidraziun le davagn dl ann dan chël olache al vëgn paié fora les prestaziuns. Pro la pröma licuidaziun é le davagn de referimënt chël probabl detlaré dl ann dla prestaziun.

(4) Por dötes les atres prestaziuns finanziares odüdes danfora da chësta lege ne vëgnel stabilí degügn limic de davagn, deache ares vëgn desponüdes ma porvia dl handicap.

(5) Sce le Stat müda cun lege, tl cheder de so ordinamënt d’assistënza, les desposiziuns sön les condiziuns finanziares odüdes danfora por les prestaziuns statales che ti corespogn a chëres de chësta lege, mëss la Junta provinziala les surantó cun na süa deliberaziun por podëi apliché chësta lege, cun faziun dal medemo de.  13)