(1) Cuntra la dezijiun dles comisciuns sanitares preodüdes dal articul 10 pó la porsona interessada fá recurs sön papier scëmpl, te 60 dis da canche ara á ciafé la comunicaziun, pro na comisciun d’apel aposta; al é da injunté le zertificat de n dotur spezialisé tl setur che reverda chël handicap. Chësta comisciun tol na dezijiun definitiva. A ce de chësta comisciun él n dotur dl sorvisc sanitar provinzial o n dotur spezialisé convenzioné cun le sorvisc sanitar provinzial; i comëmbri dla comisciun é trëi doturs spezialisá nominá dal assessur por la sanité y chiris fora danter cin doturs nominá dala Junta y spezialisá te un de chisc ciamps: medejina interna, neurologia, edli, orëdles y ortopedia o te ciamps somiënc; trëi de chisc doturs vëgn nominá dales assoziaziuns de categoria interessades. Al ne vëgn nia conzedü da ester tl medemo tëmp sides tla comisciun d'apel che tles comisciuns sanitares preodüdes dal articul 10. Ai comëmbri dla comisciun ti vëgnel paié, sce al ti speta, les indenités preodüdes por i comëmbri dles comisciuns de pröma istanza. Les funziuns de secretariat vëgn surantutes dal personal aministratif dl’Aziënda Sanitara dl Südtirol. 24) 25)
(2) La comisciun d’apel che tol na dezijiun sön i recursc cuntra le iudize de na comisciun sanitara preodüda tl articul 10, coma 10, vëgn integrada da n operadù sozial y da n dotur spezialisé ti caji da ejaminé. 26)