(1) Por sostigní la valorisaziun dl personal cun na gran profescionalité vëgnel metü sö na lista aposta. Al personal che é scrit ite chiló ti pól gní dé inciaries a tëmp determiné de alplü cin’ agn, che pó gní renovades, por le desfiramënt de ativités cun contignüs de gran profescionalité y spezialisaziun.
(2) I recuisic por l’iscriziun y la permanënza sön la lista, sciöche ince le numer mascimal de inciaries de gran profescionalité, che ti pó gní surandades al personal dër cualifiché scrit sö sön la lista, vëgn determiná cun regolamënt d’esecuziun.
(3) L’inciaria de gran profescionalité ti vëgn dada dal dirigënt/dala dirigënta de pröm livel dla strotöra de referimënt. Les inciaries de gran profescionalité vëgn controlades vigni ann dal dirigënt/dala dirigënta dla strotöra de assegnaziun y vëgn trac zoruch tl caje che al ne vëgnes nia arjunt i obietifs fissá.
(4) Al personal a chël che al ti vëgn surandé inciaries preodüdes dal coma 1 ti spetel n’indenité spezifica stabilida dal contrat coletif.
