(1) Le 70 porcënt di cosć netto dl sorvisc de linia ma de interes comunal vëgn finanzié dala Provinzia de Balsan y le 30 porcënt dai comuns interessá. 13)
(1-bis) Sce le sorvisc de linia ma de interes por le comun surantol ince i dovëis dl sorvisc dl trasport scolastich, pó i cosć surapró di iadi preodüs dantadöt por i scolars y les scolares gní paiá daldöt dala Provinzia desvian dal coma 1. 14)
(2) Por i sorvisc de linia integratifs, ater co i sorvisc turistics, pó la Provinzia de Balsan tó pert al finanziamënt dl sorvisc cun le 50 porcënt di cosć netto dl sorvisc, sce ai vëgn surandá tres prozedöres aladô dles desposiziuns sön i apalc publics. 15)
(3) Por i sorvisc de linia integratifs turistics pól gní conzedü contribuc a bëgn di sogec che damana cina le 50 porcënt di cosć netto dl sorvisc, sce ai vëgn surandá tres prozedöres aladô dles desposiziuns sön i apalc publics. 16)