(1) N iede che l ie unit azertà la despunibltà di teraces y, sce l ie de bujën, do che l ie unit fat la pruzedura VDA, vëniel dat ora la cunzescion che remplazea d’uni viers uni autra autorisazion, arat, vist o nulla osta che reverda l proiet.
(1/bis) L diszipliner de cunzescion muessa unì sotscrì dal agiudicater tl tëmp de 60 dis, do avëi giapà la comunicazion de nvit ala sotscrizion, scenó vën la dumanda per giapé la cunzescion archivieda. 12)
(2) Sce l ne vën nia metù adum n cudejel diszipliner vën la prescrizions a cëria dl cunzesciuner, la prestazions a bën dla culetività y i dac tecnics dl mplant repurtei tla cunzescion.
(3) La concessione è rilasciata per una durata di 30 anni. Tl cajo de sëurantëuta de ega da d’autri mplanc sometui a ublianza de cunzescion, pra chëi che la dureda restënta ie plu curta de 30 ani, vën la dureda dla cunzescion nueva adateda ala dureda dla cunzescion de chisc ultimi. 13)
(4) La cunzescion per de pitla derivazions y per derivazions mesanes vën publicheda te estrac sun la Rë Zivica dl Südtirol.
L articul 16, coma 1/bis, ie unì njuntà dal articul 10, coma 1, dla L.P. di 23 lugio 2021, n. 5. Cëla nce l articul 34, coma 6, (Normes de transizion), dla L.P. di 26 de jené 2015, n. 2.
L art. 16, coma 3, ie n iede unì ntegrà dal articul 23, coma 1, dla L.P. di 10 de jené 2022, n.1, y ie pona unì mudà nsci dal articul 9, coma 1, dla L.P. di 16 d’agost 2022, n. 10.