(1) La gestiun economich-finanziara dl’Aziënda speziala é sotmetüda al control dl collegium dles porsones inćiariades a controlè i cunć che é metü adöm da trëi porsones espertes scrites ite tl register di y dles controlacunć; almanco un o öna mëss fà pert dl personal dl’aministraziun provinziala.
(2) Le collegium y so presidënt o süa presidënta vëgn nominà dala Junta provinziala; ai romagn tl’inćiaria por la dorada de cin agn y mëss tl tëmp de chësc terminn gnì renovà.
(3) Les porsones inćiariades a controlè i cunć é autorisades a tó pert ales sentades dl consëi d’aministraziun, mo zënza dërt de usc.
(4) Le collegium eseguësc düć i controi che va debojëgn por l’andamënt dla gestiun. Al à dantadöt le dovëi d’ejaminé le bilanz de previjiun y le cunt consuntif meton jö na relaziun aposta por le consëi d’aministraziun. Al eseguësc implü le control dl decunt finanziar che i funzionars delegà o les funzionares delegades à presentè.
(5) I mëmbri dl collegium ciafa la retüda dles spëises y inće d’atres indenitês preodüdes dales diretives dla Provinzia varëntes.
