b) Lege provinzialadi 18 de dezëmber dl 2002, n. 151)
Test unich dl ordinamënt di sorvisc cuntra le medefüch y de proteziun zivila

(1)  Le consëi d’aministraziun dl’Aziënda speziala:

1. delibrëia le bilanz de previjiun anual, sües variaziuns y inće le cunt consuntif che mëss gnì aprovà dala Junta provinziala. Le bilanz de previjiun anual mëss gnì presentè ćina ai 31 de otober dl ann da denant y le cunt consuntif ćina ai 31 de merz dl ann che vëgn;
   
2. aprovëia i programs d’ativité dl’Aziënda speziala, dl Corp di stödafüch de profesciun, dl’Uniun provinziala di corps di stödafüch volontars y dla Scora di stödafüch provinziala sön la basa di preventifs de spëisa. L’aprovaziun di programs autorisëia acuisiziuns, sorvisc y laûrs por la realisaziun di programs de spëisa y a stipulé i contrać corespognënć. Les acuisiziuns, i sorvisc y i laûrs che ne va nia sura i 200.000 euro fora vëgn de regola fać en economia y i contrać relatifs vëgn stipulà aladô de assegnaziuns zënza bandida de concurs publich, aladô dles desposiziuns dl regolamënt de contabilité dl’Aziënda speziala.
   
3. aprovëia i planns y les carateristiches dles dotaziuns de atrezadöres, mesi de trasport, mascinns y echipamënć dl Corp di stödafüch de profesciun, di Corps di stödafüch volontars y dla Scora di stödafüch provinziala;
   
4. delibrëia mudaziuns al regolamënt por ći che reverda la contabilité y l’organisaziun preodü dal articul 22, coma 2, che mëss gnì aprovades dala Junta provinziala;
   
5. delibrëia convenziuns y contrać;
   
6. delibrëia regolamënć de tarifes interns y normes diretives por l’esecuziun di sorvisc cuntra le medefüch y de proteziun zivila;
   
7. delibrëia les spëises odüdes danfora dal bilanz dl’Aziënda speziala y inće les spëises da pert dla Repartiziun proteziun cuntra le medefüch y proteziun zivila sön le cunt dl’Aziënda speziala;
   
8. determinëia ći che al va ćiamò debojëgn por n bun funzionamënt dl’Aziënda speziala y ti fej les propostes relatives ala Junta provinziala.