i) Lege Provinziala di 26 de mà dl 2006, n. 41)2)
Gestion dl refudam y defendura dl terac

(1) La spëises liedes al’atività de recupereda y de smaltimënt ie a cëria dl patron che dà ju l refudam a na mpreja de abineda autoriseda o a n soget che dejeuj la operazions ududes danora tla njontes B y C, di detenienc da dant o dl produtëur dl refudam;

(2) L produtëur dl refudam speziel ademplësc si ublianzes nsci:

1. l smaltësc l refudam nstës tl respet dla despusizions n forza;
2. l ti sëurandà l refudam a terzi autorisei;
3. l ti sëurandà l refudam ai sogec che mët a jì l servisc publich d'abineda dl refudam de nridlamënt, cun chëi che l ie unit fat na cunvenzion aposta;
4. l esporta l refudam ti caji lascei pro dala lege y cun la pruzedura ududa danora dal regulamënt 259/93/CEE dl Cunsëi dl prim de fauré 1993, y mudazions suzessives.

(3) L detenient ne ie nia respunsabl dla drëta recupereda o dl drë' smaltimënt dl refudam:

1. tl cajo che l refudam vën dat ju al servisc de abineda publich;
2. tl cajo che l refudam vën dat ju a sogec autorisei al'ativiteies de recupereda o de smaltimënt, a cundizion che l detenient ebe giapà dal traspurtadëur l formuler de identificazion dl refudam aldò dl articul 19, contrasotscrit y datà dal destinater ala ntreda, tl tëmp de trëi mënsc dala data che l refudam ie unit sëurandat al traspurtadëur o sce l se à, dan la destumeda de chësc tiermul, cruzià de ti dé comunicazion al ufize gestion dl refudam, che l ne à nia giapà l formuler de identificazion dl refudam. Per la spedizions de refudam sëura i cunfins statei ora vën chësc tiermul slungià de sies mënsc. La Jonta provinziela determinea i caji, te chëi che l produtëur muessa oradechël giapé l zertificat che l refudam ie unit smaltì.