i) Lege Provinziala di 26 de mà dl 2006, n. 41)2)
Gestion dl refudam y defendura dl terac

(1) La ublianza de ti comuniché uni ann ala Camera de cumerz cun la modaliteies ududes danora dala lege dl 25 de jené 1994, nr. 70 la cuantiteies y la carateristiches cualitatives dl refudam à:

1. chi che recuperea o smaltiësc refudam; 11)
   
2. chi che fej a titul prufescionel n’atività d’abineda y de trasport de refudam;
   
3. i cumerzianc y i ntermedieres dl refudam, cun o zënza la detenzion dl refudam;
   
4. l’aziendes y i ënc che produj refudam periculëus.
   

(2)12)

(3) I chemuns, si cunsorc y la cumenanzes raioneles o l’aziendes spezieles cun la finalità dla gestion dl refudam de nridlamënt ti comunichea uni ann, aldò dla modaliteies ududes danora dala lege dl 25 de jené 1994, nr. 70, chësta nfurmazions n cont dl ann dant:

1. la cualità dl refudam de nridlamënt abinà adum sun l teritore de si cumpetënza;
   
2. i sogec che se à cruzià dla gestion dl refudam, dajan sëura avisa l’ativiteies dejëutes, la sortes y la cuantità dl refudam gestì da uni un de chisc sogec;
   
3. i custimënc de gestion y de amurtamënt tecnich y finanzier di nvestimënc per l’ativiteies de gestion dl refudam, coche nce la ntredes dala tarifes nunziedes tl articul 33;
   
4. i dac liei al’abineda deferenzieda.
   

(4) L’aziendes da paur che produj nchin 300 chilograms de refudam speziel al ann ne à nia drë de fé la comunicazion al cataster.