i) Lege Provinziala di 26 de mà dl 2006, n. 41)2)
Gestion dl refudam y defendura dl terac

(1) Per na gestion raziunela dl refudam ie la Jonta provinziela autoriseda a se cruzië de chisc pruvedimënc:

1. proietazion, realisazion y manutenzion straurdenera di mplanc per la gestion dl refudam, cun leprò nce la sperses curespundëntes y la purtenienzes sëuraprò;
   
2. compra y metuda da garat de sperses destinedes ala urganisazion di servijes;
   
3. compra de mesuns mecanics, de veicui y de uni autra massaria che ie debujën per la gestion dl refudam;
   
4. bonificazions aldò tl articul 40 sciche nce ressanamënt y recultivazion de desćëries de refudam; 6)
   
5. elaburazion de nrescides y cunzec sëuracumenei per la gestion dl refudam. 7)
   

(2) I pruvedimënc aldò dl coma 1 possa unì dejëuc:

1. dal’aministrazion provinziela;
   
2. dai chemuns, da si cunsorc y dala cumenanzes raioneles, tres n cuntribut n cont capital nchin al 100 percënt dla spëisa recunesciuda amiscibla;
   
3. da aziendes spezieles y sozieteies de capital cun partezipazion a maiuranza publica, tres n cuntribut n cont capital.
   

(3)8)