(1) L plann provinziel per la gestion dl refudam, che possa unì partì su tl plann per l refudam de nridlamënt y tl plann per l refudam speziel, costituesc l plann de setor aldò dl pont IV.4.11. dl plann provinziel de svilup y de coordinamënt teritoriel apurvà cun lege provinziela dl 18 de jené 1995, nr. 3. L plann provinziel per la gestion dl refudam vën apurvà aldò dla modaliteies descrites ti articuli 11 y suzessifs dla lege provinziela dl 11 d’agost 1997, nr. 13. L destoma do 10 ani.
(2) L’Agenzia provinziela possa, do avëi audì la minonga di sogec nteressei y di ënc teritorialmënter cumpetënc, fé la mudazions y ntegrazions che ne muda nia la sustanza dl plann y les fissé tl plann nstës, n derogazion ala pruzedura nunzieda tl articul 12 dla lege provinziela dl 11 d’agost 1997, nr. 13, a cundizion dl’apurvazion da pert dla jonta.