a) Lege Provinziala di 17 de messè dl 1987, n. 141)
Normes por la sconanza dla salvarjina y por l’eserzize dla ćiacia 2)

Publicada tl B.O. di 28 de messè dl 1987, n. 34.

Mudé dal art. 6 dla l.p. di 28 de novëmber dl 1996, n. 23, sciöche inće dal art. 28 dla l.p. di 12 d’otober dl 2007, n. 10.

Art. 40/bis (Sospenjiun dla lizënza de ćiacia)

(1) La sanziun aministrativa preodüda y la sanziun surapró eventuala vëgn aplicades cun ordinanza de sanziun. Aladô dla gravité dla violaziun vëgnel comané la sospenjiun dla cherta anuala o da ghest por alplü cater agn o la limitaziun dl’autorisaziun da ciacé certes sorts che an pó ciacé te chisc caji: 144)

sce al vëgn eserzité la ćiacia cun mesi proibis o zënza l’assiguraziun scrita dant, zënza lizënza de ćiacia o tratan le tëmp de scona generala o de scona de n dé o te raiuns de respet;
sce al vëgn copè sorts de tiers nia autorisades o ejemplars de sorts ćiaciables de tlasses de ses o d’eté nia autorisades;
sce al vëgn violè te n’atra manira les normes dla ćiacia;
sce la vëgn violè les normes varëntes por ći che reverda la segurëza publica y la sconanza di tiers.

(2) Le provedimënt devënta varënt dal scomenciamënt dla sajun de ćiacia che va dal nonantejimo dé do la notificaziun dla sospenjiun dla lizënza de ćiacia.

(3) La Junta provinziala stabilësc cun deliberaziun i criters por la sospenjiun o la limitaziun dla lizënza de ćiacia. 145)

Beschluss vom 31. Mai 2016, Nr. 614 - Festsetzung der Kriterien für die Aussetzung oder Einschränkung der Jagderlaubnis

144)

La pröma pert dl art. 40/bis, coma 1 é gnüda sostituida insciö dal art. 2, coma 23 dla l.p. di 23 de dezëmber dl 2021, n. 14.

145)

L’art. 40/bis é gnü injuntè dal art. 6 dla l.p. di 28 de novëmber dl 1996, n. 23, dedô integrè dal art. 3 dla l.p. di 11 d’agost dl 1997, n. 11, sostituì dal art. 26 dla l.p. di 12 d’otober dl 2007, n. 10 y dal art. 5, coma 2 dla l.p. di 23 d’otober dl 2014, n. 10.