3) Decret dl Presidënt dla Republica dl 31 de agost 1972, n. 6701)
Apurvazion dl test unich dla leges costituzioneles che reverda l statut speziel per l Trentin-Südtirol

(1)  Ala Provinzies ti vëniel atribuì la cuotes dl rendimënt dla ntredes tributeres dl Stat cumpededes su dessot, scudides ti teritoresc provinziei respetifs:

1. i nuef diescejims dla chëutes de register y de bol y nce dla chëutes de cunzescions guviernatives;
2. 58)
3. i nuef diescejims dla chëuta sun l cunsum di tabacs per la vendudes sun i teritoresc dla doi Provinzies;
4. i ot diescejims dla chëuta sun l valor njuntà, ora che chëla che reverda la mpurtazion, al netto di rembursamënc fac aldò dl articul 38/bis dl decret dl Presidënt dla Republica di 26 de utober 1972, n. 633, y mudazions suzessives; 59)
5. i nuef diescejims dla chëuta sun l valor njuntà revardënta la mpurtazion determineda tulan coche referimënt i cunsums finei; 60)
6. i nuef diescejims dl rendimënt dl'azisa sun l penzin, sun i uelesc da gas per autotrazion y sun i gasc de petruele lutri per autotrazion, dac ora dai destributëures sun i teritoresc dla doi provinzies; y nce i nuef diescejims dl'azises sun i autri prodoc energetics iló cunsumei; 61)
7. i nuef diescejims de duta l’autra ntredes da chëutes stateles, diretes o ndiretes, y cochemei denuminedes, stluta ite nce la chëuta locala sun i davanies, ora de chëles che ti spieta ala Region o a d'autri ënc publics; pra la ntredes nunziedes iel nce laite chëles che se porta pro dala rededa di juesc de fertuna cun venciudes de scioldi, sibe dla sort che vën a se l dé da chëutes, sibe dla sort che ne vën nia a se l dé da chëutes y che cun la detrazion dla venciudes y dla provisions che ti spieta ai cunzesciuneres, forma l davani dl Stat.  62)

(2) 63) 64)