(1) La nomina, la destumënza, la revucazion, la destituzion dala ncëria di giudesc de pesc y si sostituc vën dejëuta dal Presidënt dla Region17) delegà dal Presidënt dla Republica, n usservanza dl’autra normes tla materia stabilides dal urdinamënt giudizier.
(2) L’autorisazion al eserzize dla funzions de scrivan giudizier y de servient pra i ufizies dl giudesc de pesc ti vën data ala persones che à i recuisic che ie de bujën aldò dl urdinamënt giudizier dal Presidënt dla Region.17)
(3) L Presidënt dla Region se cruzia nce dla revucazion y dla suspension dl’autorisazion ti caji udui danora dal urdinamënt giudizier.
(4) Ti chemuns dl teritore dla Provinzia de Bulsan iel debujën per la nomina a giudesc de pesc, vizegiudesc de pesc, scrivans giudizieres y servienc di ufizies dl giudesc de pesc dla plëina cunescënza dla rujenedes taliana y tudëscia. 95)