(1) Sce n rata che la ates aministratives di ënc y di organns dl’aministrazion publica che à si sënta tla Region ne à nia respetà l prinzip de valivanza di zitadins te si purtenienza a una dla grupes linguistiches, posseles unì cuntestedes dai cunselieres regiunei o provinziei dan la sezion autonóma de Bulsan dl Tribunal regiunel de giustizia aministrativa; sce l se trata de pruvedimënc di Chemuns tla Provinzia de Bulsan, possa l recurs nce unì fat dai cunselieres cumenei de chëla Provinzia, a cundizion che la viulazion vënie recunesciuda dala maiuranza de chëla grupa linguistica dl Cunsëi cumenel, che se sënt ufenduda te si rejons.
(2) Tla medema maniera possa nce la ates aministratives, nunziedes pra l prim coma y che n rata che ferësc l prinzip de valivanza danter i zitadins de rujeneda taliana, ladina, mochena y zimbra, residënc tla Provinzia de Trënt, unì cuntestedes dan l Tribunal regiunel de giustizia aministrativa de Trënt dai cunselieres regiunei y provinziei y, tl cajo de pruvedimënc di Chemuns, nce dai cunselieres cumenei di Chemuns di luesc ladins, mochens o zimbri, a cundizion che la viulazion sibe recunesciuda da n cuinto dl cunsëi cumenel. 93)
