e) Lege provinziala di 6 de messè dl 2017, n. 91)
Regolamënt dl’indenité dirigenziala y mudaziuns dla strotöra dirigenziala dl’Aministraziun provinziala

Publicada tl supl. n. 2 al B.O. di 18 de messé dl 2017, n. 29. La verjium ladina é gnüda publicada tl B.O. di 14 de novëmber dl 2017, n. 46.

Art. 1 (Indenités dirigenziales)

(1)Pian ia dal 1° de jügn dl 2018 vëgn l’indenité dirigenziala regolamentada dal articul 28 dla lege provinziala di 23 d'aurí dl 1992, n. 10, y dai contrac coletifs interraionai, raionai y dezentrá, trasformada te n'indenité de posiziun, metüda adöm da na pert fissa y na pert variabla. La soma dl’indenité de posiziun, olache la pert fissa é anfat al 40 porcënt dl valur total dl’indenité, vëgn determinada dai contrac coletifs tl respet di limic y di liams preodüs dala lege provinziala di 19 de ma dl 2015, n. 6, do avëi tigní cunt dles dimenjiuns dla strotöra dirigenziala, de süa colocaziun tl’organisaziun dl’aministraziun, sciöche ince dles responsabilités, dla complessité y dl degré de dificolté di compic dirigenziai da ademplí tla posiziun surantuta. 2)

(2) A vigni moda ne pó le tratamënt economich total de n dirigënt/na dirigënta nia jí sura le limo retributif mascimal al ann de 240.000,00 euro, cun lapró i contribuc previdenziai y assistenziai y i cosć fiscai a ciaria dl dependënt/dla dependënta, fora.

[(3) Al ne vëgn nia aziché les faziuns iuridiches bele danman y les faziuns economiches bele arjuntes cina al 1° de june dl 2018, do i mecanisms de trasformaziun graduala dl’indenité dirigenziala te n assëgn personal pensionabl aladô dl sistem retributif en aplicaziun dl articul 28 dla lege provinziala di 23 d'aurí dl 1992, n. 10, y di contrac coletifs. L’indenité dirigenziala arjunta aladô de chësc coma ne pó nia gní acumulada cun l’indenité de posiziun preodüda dal coma 1.] 3) 4) 5)

Corte costituzionale - sentenza 7. Mai 2019, Nr. 138 - Führungszulage – Koordinierungszulage und Zulage für stellvertretende Führungskräfte – graduelle Umwandlung der Zulage in ein persönliches und auf das Ruhegehalt anrechenbares Lohnelement – Zivilgesetzgebung – Sozialvorsorge – ausschließliche Gesetzgebungsbefugnis des Staates – Verfassungswidrigkeit

L'art. 1, coma 1 é naota gnü mudé dal art. 3, coma 1 dla l.p. di 9 de forá dl 2018, n. 1, spo sostituí dal Contrat coletif di 19 de jügn dl 2018, y ala fin mudé insciö dal art. 55, coma 1, lëtra d) dla l.p. di 21 de messé dl 2022, n. 6.

Ciara ince l‘art. 1, coma 1 dla l.p. di 9 de forá dl 2018, n. 1.

L‘art. 1, coma 3 é gnü mudé insciö dal art. 3, coma 1 dla l.p. di 9 de forá dl 2018, n. 1.

La Curt Costituzionala á detlaré cun sentënza di 7 de ma dl 2019 (6 de jügn dl 2019), n. 138 che l’art. 1, coma 3, l’art. 2 y l’art. 17, coma 2 dla lege provinziala di 6 de messé dl 2017, n. 9 y l’art. 1 dla lege provinziala di 9 de forá dl 2018, n. 1, é incostituzionai.