b) Lege provinziala di 22 de dezëmber dl 2005, n. 121)
Mosöres por garantì la cualité tl setur di produć alimentars y introduziun dla “merscia de cualité cun indicaziun de provegnënza”

(1) Por les scomenciadies preodüdes dal articul 11, coma 1 pó la Provinzia autonoma de Balsan ti dé ince contribuc ales assoziaziuns, ales organisaziuns o ai consorc dla categoria de produc y ales assoziaziuns profescionales o sü sotgrups por les scomenciadies metüdes a jí te so ciamp de competënza, te chësta mosöra:

1. cina al 50 porcënt di cosc conzedüs por aziuns de retlam preodüdes dal articul 11, coma 1, lëtra a);
   
2. cina al 80 porcënt di cosc conzedüs por aziuns por promöie la venüda, preodüda dal articul 11, coma 1, lëtra b);
   
3. cina al 100 porcënt di cosc conzedüs por campagnes d’informaziun por le consumadù y la consumadëssa preodüdes dal articul 11, coma 1, lëtra c);
   
4. cina al 80 porcënt di cosc conzedüs por i controi de cualité preodüs dal articul 11, coma 1, lëtra d), cun n smendrimënt gradual al ann dl 10 porcënt cina che al é passé set agn, en aplicaziun dla regolamentaziun “de minimis”. 10)
   

(2)  Sce l’atuaziun dles scomenciadies ti vëgn surandada a n ater ënt ti vëgn le contribut diretamënter paié fora a chësc ënt.

(3)  Al po gnì conzedü antizipaziuns ćina al 70 porcënt. L’import romagnënt vëgn paié fora sön la basa dl cunt final sön les spëises efetivamënter albüdes por la scomenciadia.

(4)  I aiüc preodüs dales lëtres a), b) y c) dl coma 1 vëgn conzedüs aladô dl regolamënt (UE) n. 702/2014 dla Comisciun di 25 de jügn dl 2014, che detlarëia compatibli cun le marcé intern, en aplicaziun di articui 107 y 108 dl tratat sön le funzionamënt dl’Uniun europeica, n valgönes categories de aiüc ti seturs agricui y forestai y ti raiuns rurai. I aiüc preodüs dal coma 1, lëtra d) vëgn conzedüs sciöche aiüc «de minimis» aladô dl regolamënt (UE) n. 1407/2013 dla Comisciun di 18 de dezëmber dl 2013 sön l’aplicaziun di articui 107 y 108 dl tratat sön le funzionamënt dl’Uniun europeica ai aiüc «de minimis». 11)