(1) I programs di ejams vëgn aprovà dala assessuria competënta o dal assessur competënt, do avëi aldì les organisaziuns plü rapresentatives a livel provinzial, sciöch’inće la comisciun de ejam competënta.
(2) I candidać y les candidates po fà l'ejam o por todësch o por talian.
(3) Les perts dl ejam de tecnich dl comerz bele fates toma sce döt le ejam ne vëgn nia superè anter sis agn. Le diretur o la direturia dla repartiziun competënta po te caji ezezionai y motivà aladô conzede n arlungiamënt dl terminn.
(4) Le ejam de tecnich dl comerz vel sciöche superè sce la porsona che s’à candidé por fà l’ejam à dè jö cun suzès dötes les perts dl ejam, o é gnüda esonerada da chëstes. Le diplom final vëgn relascè dal assessur competënt o dala assessuria competënta. 37)