(1) La formaziun de tecnich dl comerz é n curs de perfezionamënt che porta progressivamënter ala profesciun, olache al vëgn dè inant les conescënzes y les abilitês imprenditoriales, pedagogich-profescionales, teoretich-profescionales y pratiches, nezesciares por podëi ademplì i compić de responsabilité te n’aziënda o la manajè autonomamënter, y che cualifichëia dantadöt ala formaziun de colaboradus y colaboradësses jones.
(2) L'aministraziun provinziala po organisé cursc de preparaziun al ejam de tecnich dl comerz o inćiarié les assoziaziuns de mistier dl'organisaziun de chisc cursc por perts dl ejam o por modui singui, rembursan les spëises ćina ala curida dl 90 por cënt dles medemes.
(3) L'aministraziun provinziala po inće organisé conferënzes, seminars, mostres, concursc, manifestaziuns a carater informatif y iadi de stüde, sciöch’inće fà instës o tres n terzo azertamënć y inrescides por promöie la formaziun de tecnich dl comerz. 35)
