(1) L assessëur provinziel per la finanzes y l bilanz determinea cun n si decret, nchin ai 30 d’auril do la stlujura dl eserzize, l amudlé dla restanzes de uni capitul de spëisa dl plann de gestion. Chësc decret vën laurà ora dala Repartizion Finanzes y bilanz y cuntën, n curespundënza cun l amudlé dla restanzes, la ndicazion dla deliberazions y di ac, da chëi che l mpëni se porta pro; ti caji, te chëi che l paiamënt vën fat adum cun l mpëni o sce l se trata de spëises liedes a ublianzes destumedes dan la fin dl eserzize, muessel unì fat referimënt tl decret ala mesures, da chëles che l se porta pro la ublianza de paiamënt.
(2) L paiamënt dla somes revardëntes la restanzes dl eserzize destumà possa nce unì cumandà dan che l decret nunzià tl coma 1 vën dat ora.
(3) La somes che dëssa unì cunservedes coche restanzes passives vën azertedes uni ann inò n ucajion dl rendicont generel.
(4) La restanzes passives vën tenides spartides per eserzize de pruvenienza y l cont de chëstes ie tenì spartì da chël dla cumepetënza, a na maniera che deguna spëisa revardënta la restanzes posse unì metuda a cëria dla cumpetënza y l cuntrer.
