(1) Restanzes passives ie la somes mpeniedes aldò dl articul 48 y nia paiedes nchin ala cuntlujion dl eserzize.
(2) La restanzes passives possa unì cunservedes tl cont dla restanzes per nia plu che cin ani do chël dl eserzize a chël che la furmazion dl mpëni fej referimënt.
(3) Duta la somes scrites ite ti stanziamënc dl bilanz y nia mpeniedes aldò dl articul 48 vën ratedes sparanies y porta nsci pro ai resultac cuntlujives.
(4) Pra i sparanies de spëisa vëniel ënghe ratà la restanzes passives che ne resultea nia paiedes ala fin dl tëmp mascim udù danora per si cunservazion aldò dl coma 2; l resta a uni moda la puscibltà de les scrì ite ti bilanc di eserzizies che vën do, sce l paiamënt dla soma curespundënta vën damandà dai creditëures.
(5) L paiamënt dla somes straichedes dal cont dla restanzes aldò dl articul 4 vën fat a norma di articuli 18 y 19, aldò che l se trata de spëises curëntes o de spëises per nvestimënc. L paiamënt di debic retlamei dai creditëures vën cumandà cun mandat diret, n basa ala deliberazions y ala ates che ie la fundamënta dl mpëni, do che la ublianza de paiamënt ie unida verificheda y cunfermeda dal diretëur de repartizion cumepetënt.
