a) Lege Provinziala di 29 de jenà dl 2002, n. 11)
Normes tla materia de bilanz y de contabltà dlaProvinzia autonoma de Bulsan

(1) I tituli de spëisa vën stluc jù a chësta manieres:

1. tres paiamënt n cuntanc o tres scech a trajënza y sotscrizion direta; te tramedoi caji à l creditëur da dé ora diretamënter la cubita;
   
2. tres urdenanza de bonificazion da pert dl tesorier per paiamënc dedora dla sënta banchera o te paejes oradecà tres filiales o tres banches liedes cuntratualmënter al ufize tesorier;
   
3. tres tramudeda te n scech dla posta dajan sëura la luegia de paiamënt;
   
4. tres tramudeda te n scech zirculer nia trasferibl a bën dl creditëur; l scech ie da mandé cun posta assegureda;
   
5. tres acreditamënt sun n cont curënt postal o bancher sun inuem dl creditëur, sce chësc s’l à damandà;
   
6. tres tramudeda te na cunfermazion de ntreda a bën dla Provinzia per retenides fates per gaujes defrëntes.
   

(2) Per scemplifiché la pruzedura de paiamënt possa l tesorier dejëujer d’ufize la stlujura de tituli che vëij danora la sotscrizion direta de cubita dl creditëur aldò dla modaliteies nunziedes pra i pustoms b), c) o d) dl coma 1.

(3) La stlujura di tituli de spëisa aldò dl coma 2 vën fata dal tesorier sun si respunsabltà y sun si sëul risch. L’atestazion contrasotscrita metuda sun l titul de spëisa dal tesorier à fazion de cubita delidënta.

(4) I tituli de spëisa che ne resultea nia paiei pra la stlujura dl eserzize vën anulei o stluc jù tres la emiscion, da pert dla Repartizion Finanzes y bilanz, de urdenanzes de ncassamënt per l amudlé curespundënt a bën dl capitul dla contablteies spezieles udù danora aposta tl plann de gestion, y la relasceda dla cubita de ncassamënt curespundënta da pert dl tesorier. Chësta somes possa inò unì paiedes ora cun tituli de spëisa nueves tl lim de tëmp dl eserzize curënt. La spëisa ie da mëter a cëria dl capitul curespundënt dla contablteies spezieles.