a) Lege Provinziala di 29 de jenà dl 2002, n. 11)
Normes tla materia de bilanz y de contabltà dlaProvinzia autonoma de Bulsan

(1) La licuidazion dla spëises se porta pro dala ndividuazion dl creditëur y dl amudlé prezis dla soma che ie da paië. La vën cumandeda n basa ala documentazion che desmostra l dërt dl creditëur.

(2) Dla licuidazion dla spëises se cruzia i diretëures d’ufize. La licuidazion dla spëises paiedes tres la giaurida de credic a bën de funzioneres deleghei vën fata da chisc nstësc.

(3) L at de licuidazion, adum cun la documentazion de giustificazion, ti vën mandà ala Repartizion Finanzes y bilanz, acioche la posse verifiché che la spëisa vënie paieda tl respet di lims, dla cundizions y dla modaliteies fissedes tl at de mpëni y acioche la posse dé ora l titul de paiamënt.

(3/bis) Sce la despusizion de licuidazion dla spëisa vën fata cun pruzedura nfurmatica vën l at de licuidazion, cun la sotscrizion digitela, mandà debota y automaticamënter ala Repartizion Finanzes y bilanz per l’ejaminazion preududa tl coma 3. Ala licuidazion eletronica ti vëniel njuntà na documentazion giustificativa digitaliseda y na detlarazion sotscrita dal diretëur d’ufize cumpetënt che cunfermea la presënza y la validità de mo d’autra cundizions eventueles per la licuidazion. Tl regulamënt d’esecuzion nunzià tl articul 65/bis vëniel regulà la modaliteies operatives che ie de bujën, cun leprò nce i caji, te chëi che la trasmiscion dla documentazion giustificativa possa unì remplazeda da cuntroi de proa ti ufizies che dejëuj la licuidazions. 41)

(4) L paiamënt dla spëises vën cumandà tres mandac de paiamënt singui o coletifs, tres ordens de acreditamënt y tres i rodli de spëises fisses, ti lims dla despuniblteies de cassa dla Provinzia y dl’antizipazions eventualmënter sëurantëutes aldò dl articul 29.

(5) Cun lege provinziela possel unì udù danora manieres defrëntes de paiamënt.

(6) I tituli de spëisa ie numerei damprovia.

(7) Uni titul de spëisa dat ora daussa mé revardé un n sëul capitul dl plann de gestion aldò dl articul 12.

(8) I tituli de spëisa vën firmei dal diretëur dl ufize cumpetënt dla Repartizion provinziela Finanzes. 42)

(9) L ne daussa nia unì fat paiamënc sun la basa de ac che ne ie nia deventei esecutifs o che ne ie nia debota dejëujibli.