(1) La ntreda vën paieda ite canche la soma curespundënta resultea unida ite tla cassa dla Provinzia.
(2) L tesorier dla Provinzia se cruzia de tò ite l paiamënt y de scrì ora per chësc na cubita de ncassamënt.
(3) La somes che ti spieta ala Provinzia, che ie unides scudides n basa a cie titul che mei dai scuditëures o che ie da paië da debitëures, muessa uní paiedes ite per ntier pra l tesorier dla Provinzia nchin al tiermul fissà.
(4) Chësta ublianza resta mpe ënghe canche la somes nunziedes ne ie mo nia unides scrites ite tl bilanz de previjion.
(5) L tesorier provinziel ti comunichea uni di ala Repartizion Finanzes y l bilanz cie paiamënc che ie unic fac.
(6) Dla registrazion di paiamënc y de si mputazion ai capituli curespundënc dl plann de gestion se cruzia la Repartizion Finanzes y l bilanz.