(1) Nchin ala fin de juni de uni ann prejentea la Jonta provinziela al Cunsëi provinziel n dessëni de lege per la cumedura dl bilanz, che ie finalisà dantaldut per l ajurnamënt dla previjion lieda al avanz o al dejavanz de cunsuntif jagà ala fin dl eserzize da dant, aldò dl articul 11, coma 5, y a uni autra mudazion che resultea vester de utl ti lims dl balanz dl bilanz aldò dl articul 14. Cun l dessëni de lege nunzià manda la Jonta provinziela al Cunsëi nce l documënt d’ajurnamënt dl plann de gestion nunzià tl coma 12.
(2) N ne muessa nia prejenté l dessëni de lege sce la majera ntredes che se porta pro dala cumedura ne ie nia plu autes dl trëi percënt dl volum finanzier dl bilanz de previjion dl scumenciamënt. Te chësc cajo adotea la Jonta provinziela na deliberazion aposta che ie da mandé, tl tëmp nunzià tl coma 1, al Cunsëi provinziel adum cun la deliberazion d’apurvazion dl rendicont dl eserzize ududa danora dal articul 62, coma 1. 16)
