(1) Per adaté la ntredes y la spëises dl bilanz dla Provinzia de Bulsan ala mires programatiches sun chëles che l bilanz plurianuel y l bilanz anuel se stiza, y per fé a na moda che l sibe puscibl n balanz dl bilanz aldò dl articul 14, presënta la Jonta al Cunsëi provinziel, adum cun l dessëni de lege d’apurvazion dl bilanz anuel y al bilanz de assestamënt de chësc, n dessëni de “lege finanziera” cun chëla che l vën stabilì l amudlé dla spëises autorisedes a cëria dl eserzize de referimënt, aldò di articuli 7 y 8.
(2) La “lege finanziera” ne daussa de regula nia cuntenì despusizions de lege nueves o mudazions a leges provinzieles che ne fej nia espressamënter referimënt al bilanz lià limpea.
(3) La lege finanziera stabilësc l livel mascim dla nuzeda dl marcià finanzier per tò su mprësć per l finanziamënt de spëises de nvestimënt. La stabilësc oradechël l livel mascim dla garanzies primeres y sussidieres che la Provinzia possa dé a bën de ënc o terc. 11)
(4) I stanziamënc che ie de bujën per la curidura finanziera dla cëries, che se porta pro dala prestazion dla garanzies de fideiuscion y dal’acuisizion al bilanz dla ntredes che se porta pro dala recupereda dla somes paiedes ora n basa ala garanzies nstësses, vën scric ite danter la partites de giro dl bilanz provinziel. 12)