(1) Tl bilanz iel da scrì ite n “fond speziel per la reasseniazion dla restanzes passives dla spëises de nvestimënt, che ie unides straichedes ti ani passei pervia de si destumeda aministrativa”.
(2) Sce l se trata de restanzes bele destumedes, de chëles che la Provinzia à da paië la somes, pervia de n’asseniazion, de n cuntrat o per cumpensé servijes o lëures y cunseniazions, ie la somes che ie de bujën per i fins, per chëi che chëstes ie unides apurvedes, da tò ora dal fond inant nunzià cun decret dl assessëur provinziel per la finanzes y l bilanz - chësc per ntegré l stanziamënt sun la uniteies de previjion de basa y sun i capituli de pruvenienza curespundënc o per scrì ite la somes sun uniteies de previjion de basa y capituli aposta istituìi da nuef, tl cajo che chëi de pruvenienza fossa ntant unic straichei.