(1) Tl bilanz iel scrit ite n “fond de resserva per spëises d’ublianza”.
(2) Cun decret dl assessëur provinziel per la finanzes y l bilanz vëniel tëut jù de chësc fond la somes che ie de bujën per ntegré i stanziamënc che se demostra de ne vester nia assé sun la uniteies de previjion de basa y sun i capituli che reverda spëises de carater ublient.
(3) Danter la spëises ublientes toca te uni cajo la cëries per l amurtamënt di mprësć y dl’autra formes de finanziamënt per fic passifs sun antizipazions de cassa, per garanzies mprestedes dala Provinzia aldò dl articul 22, coma 3 y per chëles revardëntes la restanzes passives destumedes dla spëises curëntes che vën retlamedes dai creditëures; chësta spëises ie inò da scrì ite tla uniteies de previjion de basa y ti capituli de pruvenienza o tla uniteies de previjion de basa y ti capituli istituìi da nuef, tl cajo che chëi de pruvenienza fossa ntant unic straichei. 8)
(4) La lista di capituli che possa unì ntegrei a norma de chësc articul vën njunteda al bilanz.
