(1) L bilanz plurianuel ie metù adum dala previjion dla ntredes, dala previjion dla spëises y dal cheder generel ressuntif.
(2) Tl bilanz plurianuel ie la ntredes y la spëises da scrì ite les partian sù aldò dla tlassificazion ududa danora dai articuli 16 y 17 per bilanz anuel; la ntredes possa perauter unì dates sëura aldò de categories y la spëises aldò de funzions-mires, auzan ora a pert chëles che depënd dai ntervënc legislatifs nueves dla Provinzia nunziei tl articul 4, coma 3.
(3) La spëises curëntes ie te uni cajo da dé sëura separatmënter dala spëises per nvestimënc y da chëles per l rembursamënt di mprësć y dl’autra formes de finanziamënt.
(4) Per uni spartizion dla ntredes y dla spëises iel da dé sëura, n curespundënza cun la previjions dl bilanz anuel, la cuota de uni ntreda y de uni spëisa lieda al prim eserzize dl tëmp plurianuel tëut n cunscidrazion. La previjions per i ani do l prim possa unì dates sëura te na maniera cumulativa.
(5) L bilanz de previjion anuel y l bilanz plurianuel possa unì reprejentei te n documënt unich; te chësc cajo reporta l bilanz anuel nce la previjions de ntreda y de spëisa dl bilanz plurianuel.
(6) L cheder generel ressuntif reporta la ntredes partides sù te tituli y la spëises partides sù per funzions-mires y per tituli.