(1) Tl bilanz plurianuel vëniel dat sëura la spëises che se porta pro dal’aplicazion dla leges che ie n forza, la spëises che se porta pro da mprësć y d’autra formes de finanziamënt bele tëuc sù y la spëises che ie de bujën per l funzionamënt di organns y di ufizies provinziei, tl amudlé udù danora, tenian nce cont di avanamënc che depënd dal auzamënt di priejes y, per cie che reverda l personal, dal’aplicazion dla normes valëivles.
(2) Tla spëises aldò dl coma 1 ie nce cuntenides chëles autorisedes dala lege finanziera anuela, aldò dl articul 22.
(3) L ie ala fin dat sëura a pert y tl spezifich, per chël che l possa unì udù danora, la spëises che depënd dai ntervënc nueves preudui dla Provinzia, tl amudlé sciazà aldò dla diretives o di programs apurvei. N chësc cont iel da auzé ora la spëises che se porta pro dal servisc de mprësć y da d’autra formes de finanziamënt nueves, che n vëij danora de autorisé tl tëmp tëut n cunscidrazion aldò dl articul 3, coma 4, y la spëises che se porta pro dal’autorisazion di lims de mpëni nueves.
(4) L bilanz plurianuel cur la spëises nueves o la spëises sëuraprò aldò dl coma 3, a cëria di eserzizies dl daunì, y chël nchin a n lim mascim dla defrënzia danter la soma dla ntredes scrites ite tl bilanz aldò dl articul 3 y la soma dla spëises scrites laite aldò di comes 1 y 2 de chësc articul.