(1) Por ti garantì ala porsona cun handicap la preparaziun profescionala plü adatada individualisëia le personal insegnant dla tlassa o dl curs frecuentè dala porsona cun handicap l'insegnamënt, aladô dles capazitês dla porsona cun handicap; te chësc laûr pol gnì daidé da personal assistënt y insegnant por porsones cun handicap.
(2) Sce ara se trata de na lernera/n lerner cun handicap tol sö n'educadëssa/n educadù dl istitut o n'insegnanta/n insegnant contat cun la maestra artejana/le maester artejan por definì le program de formaziun y sciöche al vëgn realisé, y inće por ti dè l'assistënza tecnich-formativa che al ô ester.