(1) Les assunziuns diretes de personal da tó sö aladô dla lege di 2 d'aurì dl 1968, n. 482, mudada dala lege di 11 de mà dl 1971, n. 390, pro l'aministraziun provinziala y pro i ënć publics sotmetüs al control dla Provinzia, vëgn fates sön la basa de na gradatöra danter les porsones cun chësc dërt, metüda adöm tl respet dla gradatöra provinziala aprovada dala comisciun provinziala por l'assunziun obligatoria preodüda dai articui 16 y 17 dla medema lege. Por se scrì ite tla gradatöra por l'assunziun direta a livel provinzial ne mëss les porsones cun handicap cun n degré d'invalidité plü alt co le 45% nia desmostrè da ester zënza laûr. Porimpò à les porsones dejocupades la priorité.
(2) Tl respet dla resserva de posć tl organich a bëgn dles categories protezionades aladô dla lege di 2 d'aurì dl 1968, n. 482, é le porcënt de resserva de regola en relaziun al numer dl personal en sorvisc.
(3) La Junta provinziala se crüzia da rembursè i cosć dla trasformaziun dles zentrales dal telefonn preodüdes dal articul 8 dla lege di 29 de merz dl 1985, n. 113, che reverda la mediaziun y le raport de laûr dles telefonistes y di telefonisć verc. 18)
