e) Lege Provinziala di 30 de novëmber dl 2004, n. 91)

(1) A studëntes y studënć che, tl tëmp de sis agn da canche ai à stlüt jö so stüde,

1. fej na formaziun postuniversitara o na spezialisaziun che döra almanco trëi mëisc pro n’université o
   
2. fej n practicum de formaziun o profescional che döra almanco trëi mëisc pro n’istituziun publica o privata
   

ti pol gnì conzedü n stipendium, a condiziun che les studëntes y i studënć ais stlüt jö so stüde universitar, che ai ais arjunt le profit de stüde damanè y che ai sides te de stletes condiziuns economiches.

(2) I stipendiums vëgn assegnà tres concursc scrić fora dala Junta provinziala.

(3) Tla bandida dl concurs vëgnel stabilì:

1. a tan che i stipendiums amunta;
   
2. i criters por la valutaziun dles condiziuns de relevanza iuridica, le profit de stüde y la situaziun de bojëgn;
   
3. les desposiziuns por l’assegnaziun di punć por la gradatöra.
   

(4) I stipendiums ne po nia gnì acumulà cun d’atres mosöres de sostëgn che vëgn conzedüdes da istituziuns o ënć publics o privać che ciafa sovenziuns publiches.