c') Lege Provinziala di 5 de merz dl 2001, n. 71)

(1) Le Comitê provinzial por la programaziun sanitara vëgn istituì sciöche organn tecnich consultif dl’aministraziun provinziala.

(2) Le Comitê tol pert:

1. al’elauraziun dles diretives tecniches che reverda l’atuaziun dl Plann sanitar provinzial;
2. al coordinamënt operatif di programs preodüs tl Plann sanitar provinzial;
3. al’ejaminaziun dl stat d’atuaziun dl Plann sanitar provinzial;
4. ala revijiun periodica dl Plann sanitar provinzial;
5. al’elauraziun dl Plann sanitar provinzial nü.

(3) Le Comitê provinzial por la programaziun sanitara à i compić seghënć:

1. dè so arat sön i programs planivolumetrics di proieć y sön i programs plurienai di frabicać sanitars;
2. dè so arat sön i acuisć di gragn aparać eletromedicai y sön i planns anuai d’acuist de chisc aparać;
3. dè so arat facultatif sön les autorisaziuns y i acreditamënć di ospedai privać;
4. dè so arat facultatif sön les tarifes dles prestaziuns sanitares;
5. dè so arat aladô dles desposiziuns dl articul 34, coma 4, dl articul 7 dla lege provinziala di 23 de otober 1975, nr. 52, di articui 2 y 6 dla lege provinziala di 3 de jenà 1986, nr. 1 y dl articul 1 dla lege provinziala di 17 de novëmber 1988, nr. 48;
6. respetè dötes les desposiziuns de lege o de regolamënt, che ti speta al Consëi provinzial de sanité, cun ezeziun di compić preodüs tl articul 41 y tignin cunt dl articul 83.

(4) Sön la basa di resultać dl’ejaminaziun aladô dl coma 2, lëtra c), formulëia le comitê propostes por l’aministraziun por les modalitês de soluziun di problems eventuai che é gnüs fora tl’atuaziun dl Plann sanitar provinzial.

(5) Le comitê é metü adöm da:

1. l’Assessur provinzial por la sanité, sciöche presidënt;
2. le diretur dla Repartiziun Sanité, sciöche vizepresidënt;
3. le Diretur general dl’Aziënda sanitara;
4. i Direturs dl comprensore sanitar;
5. cater rapresentanć dl personal sanitar laureè, danter chisc trëi medi; un di medi mëss ester espert tla programaziun y tl’organisaziun sanitara, un mëss ester spezialist tlinich y l’ater n profescionist lëde;
6. n rapresentant dl personal de nia medi;
7. le rapresentant nominé dal Consëi di comuns aladô dl articul 20, coma 3;
8. le diretur dla Repartiziun Politiches soziales;76)
9. n rapresentant dles cliniches privates.77)

(6) Le spezialist tlinich o le profescionist lëde mëss ester nominé dal Ordinn di medi.

(7)Sce al vëgn tratè argomënć che reverda l’injenieria tlinica, i frabicać sanitars, la medejina y la pediatria de basa vëgn le comitê completè, cun n espert d’injenieria clinica, n espert de frabicać sanitars, n rapresentant di doturs de medejina generala y n rapresentant di doturs di mituns de lîta lëdia, vignun por le ćiamp de süa competënza, cun le dërt da lité. Sce le dotur de profesciun lëdia, mëmber dl comitê, é n dotur de basa o n dotur di mituns de basa, ne vëgn le comitê nia completè cun chëstes döes disciplines.78)

(8) Le comitê vëgn nominé dala Junta provinziala y romagn tl’inćiaria por trëi agn. Les funziuns dl secretêr vëgn destrigades da n impiegat dla Repartiziun Sanité, che é almanco tl sesto livel.