(1) La programaziun sanitara provinziala ti speta ala Junta provinziala, che nüza inće les aziëndes sanitares y i organns consultifs dla sanité.
(2) Chi che costituësc stromënć essenziai dla programaziun é:
- le Plann sanitar provinzial;
- i programs de intervënt por la sconanza dla sanité;
- i planns di seturs che é importanć por la suravidlanza dla sanité di zitadins.
(3) Por l’efiziënza y la faziun dl prozès de programaziun mësson tignì cunt dles aziuns stromentales seghëntes:
- le svilup dl sistem informatif;
- le svilup dl’osservanza epidemiologica;
- la condüta de sperimentaziuns;
- la definiziun de n sistem d’indicadus por le control dla cualité, dl’efiziënza; al vëgn inće conscidré i cosć y i benefizi arjunć, sciöch’inće ći che reverda i raporć cun i zitadins.
(4) Le Plann sanitar provinzial disciplinëia la coordinaziun di sorvisc provinziai sanitars y nia sanitars, inće di sorvisc interaziendai y di sorvisc organisà tla forma de departiziun, por promöie y sconè la sanité dl zitadin.
(5) Por l’aprovaziun dl Plann sanitar provinzial vel la seziun II dla lege provinziala di 11 d’agost 1997, nr. 13, che reverda la “lege urbanistica provinziala”.
(6) La Plann sanitar provinzial é aprovè dala Junta provinziala y al va en forza le medemo dé de süa publicaziun tl Boletin Ofizial dla Regiun Trentino-Südtirol, tan inant ch’al ne n’é nia gnü stabilì atramënter.
(7) Le Plann sanitar provinzial vel trëi agn. Al vel ćina che le plann seghënt va en forza. Al mëss gnì ajorné y adatè ales indicaziuns dl Plann sanitar nazional preodü dal articul 1 dl Decret legislatif di 30 de dezëmber 1992, nr. 502, y mudaziuns seghëntes.